schoolboy

nagbabagang mga balita

2006-05-06T11:41:00.000+08:00

1st runner up kami sa sinalihan naming home owners association super math quiz bee 2006.

mamayang gabi pa sasabihin yung top 10 honor roll, most behaved at validictorian.

eto nga pala may picture. hindi na sumama yung mga kakampi ko sa litrato dahil umuwi na sila agad sa hiya na natalo kami ng mahigit trenta puntos.

--oOo--

nung lunes nakatanggap ng tawag ang ate ko. inaanyayahan siyang magsulat ng isang librong pambata. kung hindi siya tamarin (gaya ng nararanasan ko sa pagbo-blog ngayon), ilalabas ang nasabing aklat nitong darating na pasko.

--oOo--

gusto ko yata magpalit ng template para sa blog. hmmmmm...

Edit: version 4... watchatink?

busy as a bee

2006-04-25T09:16:00.000+08:00

nitong nakaraang marso ilang milyong kabataan rin ang sumali sa pinakamalaking brotherhood ng ating bansa - ang "unemployed".

2003 nang makatapos ako ng kolehiyo at pagkatapos asikasuhin ang lahat ng dapat asikasuhin sa eskwelahan nagpasya agad ako na maghanap ako ng trabaho, gusto kong "kumita" agad. sabi ko sa sarili ko non "lanya, magkatrabaho lang ako lalayas ako sa pamamahay na ito... kahit 200 a day lang papatulan ko, sapat na 'to".

di nagtagal nagising ako sa katotohanan na hindi gawain ng isang mabuting anak ang nabitiwan kong mga salita at na-realize ko na hindi talaga kasya ang 200 para sa isang araw. ngayon, kinain ko na lang lahat ng sinabi ko sa sarili at namumuhay bilang isang role model na anak na naninirahan pa rin sa puder ng kanyang mga magulang.

nagtatrabaho naman ako shempre, sa isang kumpanya bilang taga-computer. magdadalawang taon na ko dito at kuntento naman sa ngayon. gusto ko pa rin naman umasenso kahit papaano, kahit na taga-utos lang ng mga utos ng mas mataas na boss.

hindi naging madali ang landas na dinaanan ko bago makakuha ng trabaho, parang nagpapasok ng kalabaw sa butas ng karayom. kung anu-ano na nga ang sinubukan kong pasukin. encoder, programmer, med rep, call center agent, ~~exotic male dancer~~, at utusan ng boss sa opisina na kasalukuyang trabaho ko ngayon (lahat naman ng nabanggit kong trabaho utusan ng boss). madalas basted ako sa hrd. ilang "thank you" at "we'll just call you..." rin ang sumampal sa mukha kong bahagyang cute. nakakabuwisit, lalo pa kung ang nagi-interview ay yung naninindak lang dahil alam na baguhan ka lang.

sa loob ng tatlong taon, naka limang lipat na ko ng pinapasukan.

yung pinaka una kong pinagsilbihan, isang buwan ang aking itinagal. kinumpleto ko lang yung training. iniwan ko matapos malamang mas malaki pa ang pamasahe ko araw-araw kesa sa su-swelduhin. masaya sana kaso wala akong pang-abono sa araw araw na gastos.

meron namang isang kumpanya na pinasukan ko lang limang buwan, umalis ako dahil masama sila at isang araw susugurin na lang ang opisina nila ng mga tauhan ng human rights commision. may utang pa sila sa kin na tatlong libo na ayaw ibigay. tsk tsk, panligaw rin sana yun kay angel locsin.

ang pinakamatagal na stint ko sa lahat na wala nang makaka-break ng record kahit kelan ay tumataginting na isang linggo. sumweldo pa ko non. dapat nga pati pension meron ako. pati loyalty award meron din dapat. ganito kase yon, kusang loob akong naglaho dahil ayoko na sa kanila. inaapi nila ako. saka lang kase sinabi sa kin na mortal sin pala ang mapansin na hindi nagtatrabaho ang boss mo kaya hindi mo rin magawa ang dapat mong gawin. kasing bigat ng pagkakasala ni rizal sa mga kastila. ang parusa? katumbas rin ng kay rizal, ipinatapon ako sa isang maliit na commercial center sa tagaytay para magbantay ng stall sa loob ng isang buwan, tapos nun sesante na. no return, no exchange.

ganyan ang kalbaryong dinaanan ko, pwede na sa "maalaala mo kaya". sobrang mahirap. kasing hirap ng naranasan nung isang housemate dati sa pbb na napaiyak ng husto sa hirap dahil itago ni big brother yung plantsa niya sa buhok ng ilang araw.

anyways, balik tayo.

ayun, kung suswertehin, sa disyembre, first time ko pa lang makakaranas ng 13th month pay sa buong buhay ko pagkatapos ng tatlong taon ng paghahanapbuhay.

mass

2006-04-16T11:43:00.000+08:00

ang simbahan ay pinupuntahan para makinig sa misa at magdasal ng taimtim pero lugar din ito para sa iba't ibang extra-curricular activities. may mga taong pumupunta sa simbahan pero iba naman ang pakay, sila yung mga taong kadalsan sa likod o sa labas pumepwesto.

kapag magbabarkada ang magkakasamang nagpunta sa simbahan dalawa lang ang gagawin nito, (1) magkwentuhan at (2) maghanap ng magagandang dalaga.

ang mga bata naman na isinama ng kanilang mga magulang dalawa rin lang na pakay. (1) maglaro at kalbuhin ang hardin ng simbahan, at (2) umiyak at magyaya umuwi.

yung nasa larawan ang pinaka paborito ko sa lahat. mga lovers in paris. huling huli ng kamera na nagliligawan.

sige, humayo kayo at magpakarami.

chismis (revisited)

2006-04-13T11:49:00.000+08:00

ilang kwento ang naibahagi ko sa post na pinamagatang "chismis". babalikan natin ito ngayon.

isang tao nanaman ang lumantad at nakasaksi ng kababalaghan sa subdivision namin.

nung isang gabi, muli kong ipinamahagi sa mga kakilala na hindi pa nakakaalam ang mga kwento tungkol sa bahay na tinitirahan ng batang kulot.

nang matapos ang kwentuhan nagtanong sa kin ang isa sa mga kaibigan ko kung saan ang eksaktong lugar ng bahay na tinutukoy ko (nakakalito sa min dahil magkakamukha ang lahat ng bahay). nang malaman niya na ang sinasabi ko ay ang bahay na inuupahan ngayon ng kakilala naming koreano bigla niyang sinabi sa kin- "hala, dun din nakakita si utol ng batang nakaputi sa gate. tumakbo daw tapos bigla tumagos paloob sa lalagyan ng air-con".

refreshment

2006-04-12T14:56:00.000+08:00

napakaswerte ko at may nanlibre sa akin nung linggo ng halo-halo na pang porma. feeling ko ang pogi pogi ko habang kumakain nito. simple lang naman ang mga sahog. mangga, sago, nata de coco, condensada, at yelo. walang special ube at leche flan.

ok na rin, libre eh. masarap siya kung sa masarap pero medyo may kamahalan nga lang. ang presyo, katumbas na ng baon ko sa isang linggo nung grade 6, kaya kung ako rin lang ang magbabayad hindi ko talaga ito bibilhin.

moral lesson: huwag tumanggi sa mga libre.

quotes

2006-03-20T16:57:00.000+08:00

galing sa mga kung sinu-sino na nakasalamuha ko sa tunay na buhay...

"bat ba parati mo na lang ako tinatabla? siguro may gusto ka rin sa kanya no?"

- mr adonis, 1999

***

"dati, crush ko dapat yung sa hanson eh"

- mr sentra, 2003

***

"hindi ako yung umutot, sinisira niyo pangalan ko!"

- mr coleman, 1997

***

"pogi ka rin naman hindi lang halata"

- mr pogi, 2004

***

"kung may cellphone lang ako kayang kaya ko manligaw"

- el gwapito, 2000

***

"ahas ka, tinuturuan pa naman din kita ng technique sa panliligaw tapos gagamitin mo lang pala kay __________"

- mr tag-ulan, 2005

the future embrace

2006-03-19T11:49:00.000+08:00

hindi man ako naniniwala, pumayag akong basahin ng kaibigan kong koreana ang mga linya sa aking palad, for the sake of katuwaan.

magaganda yung mga nabanggit niyang mga bagay tungkol sa kin at sa kapalaran ko, sa sobrang ganda parang gusto ko maniwala na magkakatotoo lahat ng sinabi sa kin.

unang sinabi niya tungkol sa kin ay mahaba-haba daw buhay ko, mga kasing haba ng kay abraham.

kung titingnan ang larawan ng kamay ko mapapansin na ang horizontal line nito ay malinaw at diretso. matatag na career daw ang ibig sabihin nito.

sa lab layp naman ang magiging asawa ko daw ay maputi at maganda ~~na wala nang iba kung hindi si maxene magalona~~, hindi daw siya tumitingin sa ibang lalaki kung hindi sa akin lang.

ang saya no?

chismis

2006-03-16T13:43:00.000+08:00

matatagpuan ang kalye na iyan sa subdivision namin at sa dulo nito nakatayo ang dating bahay ng kakilala ko na itatago na lang natin sa pangalang kaibigan2. sa entry na ito matatagpuan naman ang ilang kwento tungkol sa nasabing bahay.

kwento 1:

isang araw nagpunta si kaibigan1 sa bahay ni kaibigan2 para humiram ng bola ng basketball.

kaibigan1: (nagtanong sa bata na nasa loob ng gate) anjan ba si kaibigan2?
bata: (umiling)
kaibigan1: eh si kaibigan3 dumaan jan?
bata: (umiling)
kaibigan1: ano oras uwi nila?
bata: (umiling)

kinagabihan sa tindahan...

kaibigan1: bakit mo naman iniiwan anak mo sa bahay ng magisa.
kaibigan2: umalis kami lahat kanina.
kaibigan1: eh nakausap ko kanina yung kulot.
kaibigan2: wala akong anak na kulot pero kilala ko na kung sino yung nakita mo... nakasuot ng puti, at may hawak na manyika no?
kaibigan1: oo...
kaibigan2: marami nang pinakitahan yun..

kwento 2:

isang maulan na hapon tumakbo si kaibigan1 papunta sa tindahan...

kaibigan1: pahingi ng tubig!!
kaibigan2: o ano nangyari sa iyo? namumutla ka?
kaibigan1: nakita ko ulit yung bata sa harap ng bahay niyo na nagtatampisaw sa tubig.

kwento 3:

isang araw naglalaro ng basketbol sa garahe si kaibigan2 at ang kanyang anak...

anak: daddy, mumu!!!
kaibigan2: (tumakbo paloob ng bahay)

kwento 4:

kamakailan lang nagtanong sa kaibigan ko ang korean (itago natin sa pangalang kim sam soon) na nangungupahan ngayon sa nasabing bahay.

kim sam soon: is there a ghost in our house?
kaibigan4: i don't know, why?
kim sam soon: because i see children sometimes. and also, four yayas already left us... crying... never came back.

domino

2006-03-10T16:18:00.000+08:00

"abra ka dabra sis bumba
indyan pana kakana kana
um shigi shigi um shigi shigi uwa
ang na ang na su ma la pu hin
kowk ko to! kowk ko to! kowk ko to!"

you have just read a latin prayer of death. send to 15 people with in the next 10 mins or else something bad will happen to you.

ang dami kong natatanggap na ganyang message sa bulletin board ng friendster na hindi ko naman nare-repost. kung totoo talaga ang mga iyan malamang matagal na dapat akong patay. kung pusa ako ubos na ang siyam kong buhay at desperado na kong makakuha ng 1up.

sari-saring chismis ang nakikita ko sa friendster. yung iba plataporma yata ng tumakbong mayor na ipinaskil sa bulletin board. yung tipong kung ano anong mga pangako ng grasya ang nakalagay at matutupad daw sa kalagitnaan ng hating gabi basta mai-repost mo ang nasabing message.

ang paborito kong chismis na kumalat sa text/internet ay yung may lalaking hiv positive daw na naglalagay ng dugo niya sa dispenser ng ketchup. astig yung gumawa nun, kahit yung erpats kong wala namang textmate nakatanggap ng ganon.

a family that prays together stays together

2006-03-05T13:44:00.000+08:00

tita cory, last week napanood ko kayo sa tv. anong gingagawa niyo sa camp aguinaldo? hehehe, gusto niyong makita kayo sa tv no? tv opportunity ba? bwahahaha kawawa naman kayo at hindi kayo pinapasok. belat, buti nga! yung mga lasallian brothers at st joseph sisters nakapasok sa loob, sila may libreng sandwich at zesto, ikaw wala!

ha? magdadasal ka lang ba dun? bakit dun pa? hindi ba pwedeng dun sa ibang chapel na lang? dun sa mas tahimik para mas madaling mag-concentrate.

tita, alam mo ba nung laban ni kuya pacquiao. yung nanay niya dun lang nagdasal sa kapilya sa malapit sa bahay nila sa gen santos. ang galing no? nasagot pa rin yung dasal niya. isipin mo ang layo layo nun sa las vegas. siguro katulad din naman ng ganun yung kaso ng ipinagdadasal niyo, na kahit sa loob pa ng cr ikaw mag-dasal madidinig ka pa rin ng Diyos at tutugunan niya ito kung nararapat. hindi mo na kinailangan na magpumilit magdasal sa kapilya sa camp aguinaldo. ewan ko lang, pero nasa sa inyo na rin po iyon.

ha? ganon? kung sa simbahan sa las vegas nag-dasal yung nanay ni kuya pacquiao, 1st round pa lang knock out na dapat si morales?

***

may ipinabasa sa kin, at gusto ko itong ibahagi. eto siya, click here.

brb

2006-02-25T20:03:00.000+08:00

ang hirap pala kapag patong-patong ang sked. taping dito, shooting doon, mall tour dito, concert doon.

sa ngayon magpapahinga muna ako sa pag-blog.

babalik rin ako agad.

habitat

2006-02-09T12:20:00.000+08:00

may bagong pinoy big brother na pala, kelan ko lang nalaman. celebrity edition daw pero hindi ko kilala ang ilan sa mga sumali.

wateber...

ang dapat yatang ipinasok nila dun sa bahay ni kuya ay yung mga politiko ng bansa natin. ikulong sila dun ng isang daang araw. administrasyon at oposisyon, mag-bonding naman sila. mabuti siguro na ganon para naman magsilabasan lahat ng baho nila. malalaman ng lahat kung sino masipag, kung sino black sheep, kung sino mabait na walang alam, kung sino ang back-stabber, kung sino ang pakyut sa mga tao, kung sino ang panay kontra lang at kung sino yung binabayaran para matulog sa opisina.

kung hindi pa rin sila magkasundo at magkaisa kapag ipinasok sa loob ng iisang bahay mas lalong nakakatakot kung sa gobyerno sila ipapasok ng mga tao kung saan apektado lahat sa mga gagawin nila.

bulls on parade

2006-02-05T17:36:00.000+08:00

nakakalungkot at mahigit 70 ang namatay kahapon...

at the same time nakakainis rin. hindi kasalanan ng abs-cbn, ni willie, ng security, ng mga namamahala sa ultra o ng mga public officials ang nangyari kahapon. kasalanan ng mga taong walang disiplina. self-destruction ang nangyari, sila silang mga naggigirian ang nagkasakitan at ang masama pa may mga inosenteng nadamay. ngayon may mga mahuhuli ba dun sa mga nagsimula ng kaguluhan? shempre wala! tapos isisisi nila ang mga pangyayari sa mga taong hindi naman dapat sisihin.

pwes kung ganon rin lang eh di sige magsisihan kayo! sabihin niyo "tinulak ako ni ganito kaya tinulak ko na rin si ganito at nagkatulakan na lahat". sabihin niyo "mamatay na ang mamamatay basta ako makapasok sa loob". sabihin niyo rin "yung mga guard ang may kasalanan at ayaw pa kase buksan yung gate". ay oo nga pala muntik kong nakalimutan na pinakamagandang linya sa lahat ay "kasalanan ni gloria kung bakit namamatay ang mga tao".

sige magkagulo kayo, magpatayan kayo tapos maghanap kayo ng masisisi.

lanya, nagkatotoo nga yata ang sinabi ni leo echagaray bago siya ibitay eksaktong pitong taon na ang nakakalipas, "pilipino pinatay ng kapwa pilipino".

a night of astral journey and political healing

2006-01-27T14:07:00.000+08:00

nabanggit sa kin minsan ng kuya ko na may dalawa daw na uri ng panaghinip. kapag daw weird at parang naghahalo-halo ang mga lugar na pinangyayarihan ng panaghinip mo, "common dream" daw yun. kapag naman ang mga lugar na pinangyayarihan ng panaghinip mo ay katulad na katulad ng nasa reality ang ibig sabihin daw nito ay namamasyal ang kaluluwa mo habang ikaw ay natutulog.

kagabi ibang klase ang panaghinip ko. part reality, part fantasy.

bago matulog pinatugtog ko yung cd ko ng dicta license at pinindot yung "repeat all". humiga ako at maya maya andon na daw ako sa grand stand ng lasalle na inilipat daw sa may front gate at tumutugtog ng "alay sa nagkamalay noong dekada nobenta". bago matapos ang kanta nahulog daw ako sa stage kase may dumaang helicopter na mababa ang lipad. nung naalimpungatan ako kakaumpisa lang ng track 6, ibig sabihin kasabay ng panaghinip ko ay yung pagtugtog ng "alay sa nagkamalay noong dekada nobenta" sa cd player namin.

hindi kaya namamasyal sa bahay namin yung kaluluwa ko nung natutulog ako dahil partly aware ako sa mga nangyayari sa paligid ko?

urban legend

2006-01-25T13:12:00.000+08:00

sa lugar namin ipinagbabawal ang mga asong nakawala. sa jail booth mo tutubusin ang aso mo kapag nakawala ito at nahuli ng guard.

dahil lahat ng aso ay nakakulong o nakatali walang predator ang mga pusang kalye sa min. malaya silang nakakagala sa buong subdivision. mabilis rin sila magparami. halos every month may bagong mga kuting na naka-apartment dun sa tambak ng kahoy sa gilid ng bahay namin.

kagaya ng mga koreano samu't saring mga pusa ang nagkalat sa paligid ng subdivision na kinatitirikan ng bahay namin. merong black, white, black and white, colored, two tone, tri-colored at yung batik batik na brown at black na mukhang salbahe.

napansin ko lang na sa dami nila wala akong nakikita ni isang lalaki na tri-colored, yung grey, white at orange. tinanong ko ang tatay ko tungkol dito. ang sabi niya kapag nanganganak daw ng ganun ang mga mother pusa pinapatay daw nila agad ang ganitong mga anak dahil kapag nabuhay ang tri-colored na lalake, lumalaki daw ito ng ubod ng tapang at lakas. threat daw ito sa ibang mga lalaking pusa dahil kaya nitong gumawa ng mga destabilization plots at pwede nitong sakupin ang buong kaharian ng mga pusa sa isang lugar.

ewan ko kung totoo yung sinabi ni erpat pero wala na akong maisip na ibang dahilan kung bakit ganon nga.

miscellaneous

2006-01-25T09:29:00.000+08:00

na-tag ako ni des at sinasabing kailangan ko daw magbigay ng sampung kahit anong bagay na tungkol sa kin. naisip ko na magandang oportunidad ito para magmuni-muni at malaman ang mga bagay na tungkol sa kin na hindi ko napapansin.

na tag din ako ni melai nung isang beses at mukhang pareho lang naman ang hinihingi nila kaya pagiisahin ko na lang ang lahat sa entry na ito.

10 random facts about me.

1. kulay puti ang baunan kong tupperware nung high school.

2. ewan ko kung ginagago lang ako ng nanay ko pero ang sabi niya pinaglihi daw ako sa tutong na kanin.

3. kulay puti ang lahat ng medyas ko sa aparador.

4. 40 lbs ang idinagdag ko sa timbang nung nakaraang taon.

5. isasalba ko ang sambayanang pilipino.

6. nagsisinungaling lang ako sa number 5.

7. lubusang kong ikinatataka kung bakit naging pogi para sa mga kolehiyala ang mga kalbo na may shades sa noo na wala namang itsura.

8. nanakawan/nawalan ako ng PE uniform nung 4th high school.

9. 120.00php ang baon ko nung college.

10. idol ko si rambo.

saling ketket lang naman ako kaya wala na kong tatayain. kung sino na lang gusto sumagot ay sagutin niyo na lang ito.

maikling kwento 2

2006-01-24T14:45:00.000+08:00

once upon a time...

crush ni eys: (lumapit) ui eys!!!! may assignment ka na?
eys: ha? ... ah, eto kakakopya ko lang (ipinakita)... hiramin mo ba?
crush ni eys: (ngumiti) pahiram ha?
eys: sige... (iniabot)
crush ni eys: tenkyu tenkyu! (umalis)
buong klase: yiieeeehhheeee!!!!
eys: (pabulong) gagu! (nangingiti)

wakas...

***FICTION

pagtutuos

2006-01-22T09:35:00.000+08:00

ngayong araw na ito wala masyadong traffic, bababa ang bilang ng crime rate at papalakpak ng husto ang abs-cbn dahil aakyat ang kanilang naghihingalong rating. nakatutok ang lahat sa tv, magsusuntukan kase si pacquiao at morales para patunayan kung sino talaga sa kanila ang mas tunay na lalake.

gusto ko sana manood kaso nasa opisina ako ngayon. baka hindi ko mapanood. kung papalarin makakauwi ako ng 11:00 ng tanghali. sana naman umabot pa ko sa laban, ayoko kaseng umuwi na ang kwentuhan ng mga tao sa loob ng jeep ay yung resulta ng rematch ni morales at pacquiao.

undies

2006-01-16T11:48:00.000+08:00

naglibot-libot ako sa sm kagabi para tumingin ng brip. nagbabalak kase ako bumili ng mga bago dahil nagiging bacon na ang garter ng mga luma ko. ngayon ko lang napansin na madami palang klase na pwede pag-pilian. ang alam ko lang kase dati ay yung kulay white na may dalawang linya sa harapan tapos may butas (na hindi nagagamit) kung san dun padadaanin yung bird pag iihi. ngayon, marami akong natuklasan at nadagdagan ang database ng uri ng brip sa utak ko.

seamless - ewan ko bakit naimbento pa yung brip na walang tahi masyado. siguro para ito dun sa mga masyadong sensitive ang balat na sa konting burda lang nagkakagalis na.

boxers - miniature na puruntong na may butones sa harapan. maluwag at presko kase malayang nakakadaloy ang hanging amihan sa buong kapuluan. meron akong isa nito pero kapag sinusuot ko nagbi-brip pa rin ako sa loob.

bikini brief - eto panalo! magsuot ka lang nito, magpabigote, at gumamit ng screen name na "lando", magmumukha ka nang bomba star nung dekada 80's. seksing seksi ang dating ng design kase tinipid sa tela at sobrang sikip. nakakatakot lang suotin kase parang nakakasugat ng singit kapag lumakad ka ng naka-ganito.

boxer briefs - eto daw uso ngayon. mukhang umurong na cycling shorts. mas kumportable daw ito sa boxers kase hindi kumakalembang ang kampana. safe rin kase kapag hinubuan ka sa harap ng mga tao pwede mo sabihing "bleh! naka-shorts ako sa loob!" kahit brip mo na pala talaga yung nakikita nila.

zhang shen mars

2006-01-16T11:47:00.000+08:00

ipapalabas na sa local philippine tv ang taiwanese series na "god mars" na base sa isang manga. sa qtv 11 ito mapapanood... soon.

hindi ako fan ng F4 at hindi ko crush si barbie xu pero na-appreciate ko ang series na ito kahit 3/4 lang ang napanood ko (damot damot ng ate ko ayaw magpahiram ng buong set ng vcd, puro kwento naman). ibang iba ang mars kung ikukumpara sa mga naipalabas nang koreanovela/chinovela sa bansa natin. hindi siya yung typical series na masyadong predictable ang bawat pangyayari at masyadong common ang story line. masasabi ko na ang series na ito ay para dun sa "thinking audience" na mahilig sa mga open ending (na pinapaniwalaan kong hindi maka "masa") at mga twists. hindi na ko magkukwento kase ayoko maging spoiler.

eto ngayon ang challenge sa gma. pano nila ipa-package ang series na hindi bababa ang kalidad at pano nila dadalhin ang disturbing behavior ni tong dao kapag sinalin na sa wikang filipino ang dialogue? sana wag nila ito masira.

final words. kung mahilig ka sa mga kwento tungkol sa mga taong may disorder sa pagiisip at hindi sarado ang isipan mo sa panonood ng ganitong genre ng palabas na kinabibidahan ng mga artistang ayaw mo aminin na pinapanood mo dahil ayaw mo masabihan na baduy/jologs ka, malamang maa-appreciate mo rin ang series na ito.

kantahan

2006-01-12T20:06:00.000+08:00

araw araw ako sa bus at jeep kaya 99.99% ng pagkakataon ay nasa "love radio" o "WWR" ang istasyon ng sinasakyan ko.

nawala na yung mga kantang novelty at pinalitan na ng mga paulit ulit na pinoy ako, stay, pinoy ako another version, panday theme song, pinoy ako, abot kamay, pinoy ako another version, the day you said goodnight, pinoy ako, sam and say song, at pinoy ako.

nakakairita man pero aaminin ko na mas may kwenta naman ang mga naririnig ko ngayon kesa sa mga novelty songs na kapag pinatugtog automatic na nahi-hypnotize ang mga bata at isinasayaw ang mga dance steps para sa nasabing kanta.

ewan ko ba kung bat pumatok pa ang novelty songs eh sa tingin ko napakadali lang naman gumawa nito. ang kailangan mo lang "medyo bastos na lyrics", "pambatang rhythm", at mga babaeng singers na parang hinihipuan habang kumakanta.

biktima ni malaya

2006-01-09T15:28:00.000+08:00

na tag ako ni malaya. nakakahiya naman na magdahilang saling ketket lang ako kaya sige sasagutan ko na rin ito.

Rules:
* The tagged victim has to come up with 8 different points of their perfect lover/partner.
* Need to mention the sex of the target.
* Tag 8 victims to join this game & leave a comment on their Comments saying they've been tagged.
* If tagged the 2nd time, there’s no need to post again.

Target: BABAE

***8 iba't ibang puntos***
* pisikal - kumpleto ang lahat ng parte. maganda at pulido ang pagkakagawa.
* emosyonal - bawal ang pikon. kakagatin ko sa ilong.
* sikolohikal - mas matino ang pagiisip kumpara sa kin.
* ispirtiwal - walang mga orasyon at hindi sumasamba kay baal.
* mental - kahit ano wag lang niya ko utakan parati.
* pinansiyal - yung kaya ako ilibre sa food court paminsan minsan.
* sosyal - ma-karisma para matulungan ako kapag nakapagdesisyon na akong tumakbo bilang ~~magnanakaw sa gobyerno~~ public servant.
* iba pa - wala na kong maisip.

hindi na ko nambiktima. sumagot na lang yung mga gusto sumagot.

maikling kwento 1

2006-01-09T08:49:00.000+08:00

ilang persyento sa mga naliligaw sa blog ay yung mga humahanap ng maikling kwento. nung una wala silang nahahanap sa blog ko kaya ngayon gumawa ako ng isang maikling kwentong kutsero para naman hindi sila mabigo sa pakay nila. syempre kapangalan ko ang bida hehe..

noong unang panahon...

eys: ui, ui, [crush ni eys]... teka lang, antay... (humahabol ng lakad)
crush ni eys: (lumingon) hi eys, bakit po?
eys: naiwan mo 'tong panyo mo dun sa table sa canteen. (pinakita ang panyo)
crush ni eys: tenkyu! tenkyu! ayy... wait lang, excuse, may tumatawag sa phone ko.

after 5 mins...

crush ni eys: ay, pupunta kami ni [kaibigan ng crush ni eys] sa sm, nood ng movie. sama ka? teka. nagpagupit ka? haha, ang cute!!!!! bagay na bagay.
eys: (namula) ha? ahh.. eeeh, ganun.. ahh.. eeeh.. hindi na ko sasama... errrr... sige, una na ko.. babay.. (umalis habang iniisip ng paulit ulit "cute daw.. bagay daw.. cute daw.. bagay daw..")

one message received...

"hi eys, nkalmutan mo yta ibgy ung panyo ko. hihi. pkicheck nmn. tnx!!"

wakas...

*** FICTION

pulong

2006-01-06T08:49:00.000+08:00

bago pa lumabas ang balita sa tv uunahan ko na ito. ganito ang nangyari dun sa secret meeting nila ramos, sotto at drilon.

ramos: pogi, pa-burn naman ako ng "hello garci" cd.
sotto: oo ba, basta sasama ka na sa amin.
ramos: ayoko nga!
drilon: kunwari ka pa. ganyan din ako dati eh.
ramos: hinde!!! i will nevah join da dark side of the force!!!
drilon: sus.tanda!!!
ramos: iyakin!!!
sotto: laki tenga!!!
ramos: pakyu ka! alam kong gusto mo lang pabagsakin si kabayan dahil mas mataas rating ng MGB dati kesa Brigada Siete.
sotto: gagu!
drilon: tumigil nga kayong dalawa, tuloy na lang natin tong exchange gift.

--wakas

tambalan

2006-01-04T19:12:00.000+08:00

napakamakapangyarihan nga naman talaga ng internet. isipin mo pati compatibility ng dalawang tao kaya nitong hulaan. nung panahon ng lolo ko wala pang mga ganyan.

heto at pumunta ako sa www.lovecalculator.com at inalam ang kapalaran ng mga artista sa ating bansa. nagulat at natuwa talaga ako sa mga resulta na aking nakalap.

mga matatatag na love team:

mark herras - jennilyn mercado = 82%
richard gutierrez - angel locsin = 92%
richard gomez - lucy torres = 99%

naka-discover ako ng mga di akalaing tambalan na pwede palang pagkakitahan:

jestoni alarcon - sandara park = 87%
nora aunor - john pratts = 94%
mike enriquez - cindy kurleto = 94%

inakala kong pwede kumita:

dagul - mahal = 20%

may mga nagmamahalan dati na wala na talagang pag-asa magkabalikan:

philip salvador - kris aquino = 28%
vilma santos - edu manzano = 43%

huling huli rin ang mga chickboy:

joey marquez - sexbomb dancers = 96%

may mga mag-asawa na nanganganib ang relasyon:

julius babao - kristine bersola = 23%

at yung iba mapapaisip ka na lang talaga:

piolo pascual - judy ann santos = 27%
piolo pascual - aga mulach = 93%

*** results from www.lovecalculator.com.

guilty

2006-01-03T12:53:00.000+08:00

oo, inaamin ko na:

1. kapag naglalakad iniiwasan ko na makatapak ng mga linya sa daanan.

2. mahilig ako tumingin sa salamin, bintana ng kotse o kahit anong bagay kung saan makikita ko ang reflection ko.

3. mabilis uminit ang ulo ko kapag may tinga ako sa ngipin na ayaw matanggal. lalong lalo na kapag nasa pagitan ng molars.

4. nagtatalukbong pa rin ako pag nakakaisip ng multo sa gabi.

5. hindi ko kaya maligo ng malamig na tubig.

field trip

2006-01-03T08:50:00.000+08:00

medyo lumalawak na rin ang naka-drawing na mapa sa utak ko. kahapon, unang beses ko sinubukan pumunta sa las pinas ng ako lang mag-isa. pumunta kase ako sa isang maliit na get together ng mga kaibigan ko na taga roon.

marunong ako mag-commute pero hindi sa las pinas kaya naman naging challenge para sa akin ang pagpunta dun. sa totoo lang ayaw ko pumunta sa mga lugar na hindi ko alam. takot ako maligaw, kaya bago pumunta doon sinabi ko sa sarili ko ~~"basta markahan ko lang ng ihi ang bawat posteng madadaanan hindi na ko maliligaw"~~ "tandaan ko lang ang pangalan ng bawat street at hindi na ko maliligaw". naging effective naman.

buti hindi maloko ang mga taong pinuntahan ko dun. kung ipinasok nila ako sa sako, nilagay sa likod ng kotse, inikot-ikot sa las pinas at iniwan sa isang lugar siguradong hanggang ngayon hindi pa ko nakakauwi sa min.

here and there

2005-12-30T15:41:00.000+08:00

ganito mga mukha ng tao kapag baha sa pilipinas:

ganito mga mukha ng tao kapag baha sa amerika:

* * *

kasabay ng pamiminsala ng hurricane katrina sa US ay ang paglobo ng bilang ng mga kaso ng murder, rape, at pagnanakaw sa mga lugar na dinaanan nito.

*photos c/o yahoo

limang bakit... pakisagutan

2005-12-29T17:50:00.000+08:00

1. bakit masarap ang mga gotohan, isaw, bbq, dugo, o kahit anong ihaw-ihaw na nakapwesto sa harap ng ospital o punerarya?

2. bakit kung may aksidenteng nahawakan na mabaho ang isang tao inaamoy pa niya yung kamay niya?

3. bakit parating may mga matapang na aso sa mga shortcut? (ewan ko kung sa kin lang applicable to pero halos lahat talaga ng shortcut na alam ko may asong bantay)

4. bakit lahat ng mga caller ni ernie baron merong opening spiel na "hello, pwede po ba magtanong?"?

5. bakit nangingisay ang mga lalaki minsan pagkatapos umihi? (babae rin kaya?)

SWS Survey

2005-12-29T08:41:00.000+08:00

nag-teks ako kahapon sa labing limang random na tao sa aking phonebook at itinanong ko kung anong masarap na ulam.

RESULTS:

7 - kare kare
2 - sinigang
2 - lechon
4 - walang load

itinuloy ko pa ang survey sa YM.

RESULTS:

2 - tapa
2 - porkchop
1 - sinigang
1 - bicol express
1 - tocino
3 - hindi nagreply

bago mag-bago sa year 2006 gumawa muna ng kalokohan

2005-12-28T18:03:00.000+08:00

hmmmm pano ko kaya ipagdiriwang ang bagong taon? parang di ko gusto bumili ng paputok. pangit namang ma-stuck sa pagkain ng keso de bola at hamon de bola na kapwa hindi masarap (sino ba naman kasi nakaisip na maghanda niyan taon taon?). ayoko rin naman mag-torotot (gagu, hindi yung adultery!). di ko rin trip na magmukang kawawa na nakikinood na lang sa pyrotechniques na mala-disneyland ng kapitbahay namin.

gawa kaya ako nung kanyon? yung traditional na paputok. yung gawa sa kawayan. yung bubutasan ng maliit. yung nilalagyan ng gas at kalburo tapos sisindihan. itapat ko kaya yung kanyon dun sa maingay na aso nung kapitbahay naming kuryano? nyahaha. pwede!

lanya kang aso ka, wag mong sabihing year of the dog ang year 2006.

tula no. 1 ng makatang ulol

2005-12-27T09:10:00.000+08:00

the irony of firecrackers

plapla na nagbibigay kasiyahan
dulot nito'y matinding pagyanig
'pag sinindihan tenga nama'y tatakpan
upang ang pagsabog ay 'di madinig

bago

2005-12-26T17:36:00.000+08:00

bagong taon nanaman kaya kinakailangang gumawa ako ng listahan ng mga bagay na gusto kong gawin sa taong 2006 na hindi naman matutupad o magkakatotoo. wahaha. wish list kumbaga.

1. mag-jogging at least twice a week.
2. makabili ng bagong telepono.
3. maglaro ng badminton at least once a week.
4. mag blog at least twice a week.
5. mag-aral ng pagtugtog ng violin.
6. gumawa ng sariling dokumentaryo o short film (12-15 mins).
7. bumili ng bagong computer.
8. maging regular na empleyado. :(
9. magkaroon ng digital camera.
10. tuparin lahat ng naisulat sa listahang ito.

poetry in motion

2005-12-26T15:00:00.000+08:00

*jumping to the music, john dinopol (left) and mary rose lim (right) of urbandub slams on their guitar.

sa unang pagkakataon nag-release ang paborito kong lokal na banda for the past 3 years ng album sa ilalim ng isang record label (EMI philippines). yung una nilang dalawang album (birth-2001, infulence-2003) ay inilabas ng independente. hindi ko alam kung makakabuti o makakasama ang packaging na gagawin ng EMI sa urbandub. sana naman 'wag masira ng record label ang image nilang binuo ng limang taon.

medyo nag-bago ng style ang urbandub sa pangatlong album kung ikukumpara ito sa influence at birth. ok lang sa akin yun dahil magaganda pa rin naman ang mga kanta nila at ang genre naman talaga nila ay "experimental rock"

ilan sa mga kantang nagustuhan ko agad ay ang mga sumusunod:

- alert the armory
- frailty
- first of summer
- when heroes die
- reveal the remedy

bonus:

kung gustong makita ang live performance ng urbandub ng kantang "alert the armory" at "first of summer" sa "myx mo! 2005" i-click lang ang link na ito.

(picture c/o urbandub_music@yahoogroups.com)

jeepney joy ride

2005-12-22T17:13:00.000+08:00

ang sarap! late ako kanina sa opisina. yung mga tao dun sa sakayan ng jeep nagaagawan. bwiset!

exchange

2005-12-22T14:20:00.000+08:00

pasko nanaman! panahon nanaman para ibalot ulit ang mga alarm clock, photo album, at picture frame na natanggap sa christmas party last year at ibigay ito para sa exchange gift ngayong taon. hehehe. ang hindi ko maintindihan sa exchange gift ay kung bakit may unwritten rule na kelangan pang ilihim kung sino ang nabunot mo? 99.9% ng pagkakataon nagkakabukingan o nagsasabihan rin naman.

nung nasa eskwelahan pa ko may mga matitindi. mga nangongontrata na kung sino man ang nakabunot sa crush niya obligadong itong i-trade sa nabunot nila. pa-trade-trade pa, hindi na lang bumili ng hiwalay na regalo galing talaga sa puso o bukal sa kalooban.

wala na kong paki sa kanila...

di pa rin nasasagot ang tanong ko na bakit kelangan pang gawing suspense kung sino ang nakabunot sa iyo?

sa ibang palabunutan nauuso ang paggamit ng mga code name para hindi mo rin makilala kung sino ang nabunot mo. ang hirap hirap na nga magisip ng pambigay bukod pa sa picture frame, alarm clock, photo album, t-shirt at bag tapos itatago pa sa iyo ang identity ng pagbibigyan mo ng regalo. hindi ba kapag ganito lalo na lang magiging generic ang mga regalo? wateber! wala rin naman kwenta yang mga code names na yan dahil nagsasabihan rin naman o kaya napakadaling hulaan kung sino ang nagmamay-ari. kadalasan napaka-obvious ng mga code name na ginagamit. sa isang classroom alam mo na agad kung sino ang mga pwedeng suspect pag mabunot mo na ang mga code name. halimbawa na lang "son gokou", "kenshin" o "lupin III" para sa mga mahilig sa anime at drawing. "MJ23" o "kobe08" para sa mga mukhang basketball. "wala" o "wala kang pake" para sa mga gusto lang makikain sa christmas party. "pink08", "taz14", "blue_tweety" o kung ano-ano pang mga kombinasyon ng kulay, cartoon character at numero (monthsary? bday?) para sa mga babae.

pero..... di pa rin nasasagot ang katanungan ko. bat kelangan pa maging secret ang bunutan kung magsasabihan rin lang? bakit kaya hindi na lang magbunutan ng harapan at wala nang sikre-sikreto. mas madali umisip ng regalo pag alam mo kung sino ang nabunot mo o ang nakabunot sa iyo. isa pa kapag ganito, mawawala na yung rin mga nangongontrata makipagtrade ng nabunot.

=============

*** si kuya ace ay na-disqualify sa larong "longest line" sa isang christmas party dahil siya ay nagbaon ng isang rolyo ng sinulid. sayang, kung nanalo may 500 pesos sana siya ngayon at ililibre kayo.

math challenge

2005-12-12T09:30:00.000+08:00

may math problem ako, tulungan niyo naman ako sagutan. eto isang rule, bawal umutang/magpautang.

pagkasyahin ang 800php sa loob ng dalawang linggo.

outlet

2005-12-10T14:50:00.000+08:00

may bago nga pala akong blog. fictional siya. sana magustuhan niyo. bisitahin niyo naman kung maaari.

http://angkapitbahaymo.blogspot.com

paki-link na rin kung pwede. at wag niyo rin sana iwanan ang blog kong ito.

kuya ace' top 5 movies

2005-12-08T17:15:00.000+08:00

TOP 5: My Sassy Girl (Yeopgijeogin geunyeo, 2001)

this is a very good one. unlike western romantic comedies, my sassy girl's story is not predictable. it has a killer ending. surprisingly, this movie is actually based on real life.

TOP 4: Gladiator (2000)

every element that excellent movies have is in this one. this is what you get if you have a good actor, a good villain and a great story in the same movie. joaquin phoenix's white costume is also the best one the i've seen so far.

TOP 3: Homerun (2003)

this singaporean film won a bunch of international awards including best picture and i know why. it is just great. the actors did a good job in delivering and what's amazing about it is that most of them are children below ten years old i guess.

kudos to jack neo for making such a heart warming film that teaches the value of little things.

TOP 2: The Shawshank Redemption (1994)

i never thought that this film is based on a stephen king novel. tim robbins made an exceptional acting job in this movie back up by a very talented cast. morgan freeman's narration of the story is very effective just like what did in million dollar baby.

it is said that the shawshank redemption is the best 90's film ever and i guess i have to agree with it.

Top 1: Malena (2000)

simply perfect. i must confess that up until now there are still moments wherein i find myself thinking about its greatness.

rock awards

2005-12-05T13:58:00.000+08:00

badtrip at hindi natuloy ang panonood ko ng 2005 nu rock awards last friday (dec 2, 2005) for some reason. salamat na nga pala kay gelo at kay angie who offered free tickets nung araw ng event. sorry pero di talaga ako marunong mag commute sa manila.

nung kinagabihan pinakinggan ko na lang ang live broadcast sa radyo para malaman ang mga nanalo sa iba't ibang awards.

heto ang ilan sa mga nanalo (yung naabutan ko lang):

Song of the year:
- ako si m16 by junior kilat

Album of the year:
- light, peace and love by bamboo

Artist of the year:
- orange and lemons

Music video of the year:
- akap by imago

Female rock icon of the year:
- aia de leon

apat na performances lang ang napakinggan ko at ang pinakanagustuhan ko ay (drum roll).

- 2005 hits medley ng radio active sago project (hanggang ngayon may LSS pa rin ako nung "umuwi ka na baby" na walang katapusan hehe)

lakas

2005-12-01T08:43:00.000+08:00

lamang pa rin sa medal tally ang pilipinas sa sea games na ginaganap dito mismo sa ating bansa. kasalukuyang may 57 golds, 36 silvers at 45 bronze ang hawak ng ating mga atleta, medyo malayo sa vietnam na nasa 2nd place (40 golds, 36 silvers, at 41 bronze), at thailand na pang 3rd ( 29 golds, 44 silvers, at 51 bronze). magandang senyales ito at ipagdasal natin na sana magtuloy tuloy ang panalo.

wag daw muna tayo magpakasigurado na tayo ang magiging kampeyon sa sea games dahil matagal pa ang laban at madami pang pwede mangyari. malaki pa ang pagasa ng ibang bansa para makahabol sa medal tally. madami pang events na gaganapin. sa 2nd to the last day ng sea games may 100 na gold medals ang pagaagawan ng bawat bansang kalahok. kaya sana todo suporta pa rin tayong lahat hanggang sa huli. manalo man o matalo wala sanang iwanan.

nung 2004 athens olympics kahit isang medalya walang naiuwi ang ating mga atleta. sa taekwondo sana tayo umaasa na makakakuha pero nabigo tayo. tulad ng laban ni onyok velasco noong 1996 nagkaroon ng problema sa officiating ang laban ni tonnette rivero kung saan pabor ito sa katunggali. kaisa-isang medalya na sana maiuuwi, nakuha pa ng ibang bansa. ginawa pa nila ito sa hindi magandang paraan.

lungkot at galit ang nadama ng karamihan, kitang kita rin ito sa mukha ng team coach na si monsour del rosario habang umiiyak at sinasabing "pinaghirapan nung bata yun eh tapos kukunin na lang ng ganon. ako coach lang pero hindi ko matanggap, siya pa kaya na lumaban para dun...".

wala man tayong medalya nakuha, may isang bagay naman tayong nakamit-- pride.

isang taekwondo match ang napanood ko na talagang nakapagbibigay inspirasyon sa kin hanggang ngayon, na sa tuwing naaalala ko hindi ako nagdadalawang isip na taas noong sabihin na "i am proud to be a filipino!"

"geisler, now helpless as a cold, wingless bird, would not give up"

hanggang ngayon hindi ko pa rin makalimutan ang mga katagang bitawan ni recah trinidad habang pinapanood si donald geisler (yung kapatid nung artista) na pilit pa ring lumalaban at hindi iniinda ang isang paa na pilay (umuwi siya ng naka-saklay). naluluha ako sa mga oras na iyon pero hindi lang dahil sa awa kung di pati na rin sa paghanga sa kagitingang ipinakita ng nasabing atleta, na kahit ano pa mang karamdaman at paghihirap ang nararanasan pilit na lumalaban ang mga pilipino hanggang sa huli.

isang eksena naman ang nakpagpalungkot sa kin sa pag-uwi ng philippine taekwondo team mula sa olympics. wala man lang kahit isang representative ang philippine sports commision o ang gobyerno na pumunta para salubungin sila. tanging mga reporters lang ang nandun para sa mga short interviews. natanong ko tuloy sa sarili ko "hindi pa ba sapat ang ipinakita nila para mabigyan sila warm welcome ng bayan na ipinaglaban nila?".

tsismis

2005-11-29T16:31:00.000+08:00

limpak limpak na salapi ang pinoproblema ngayon ng department of education ng ating bayang magiliw at nagsimula lamang ito sa isang chismis.

kapag tatanungin kung sino ang nakaimbento ng flourescent lamp pupusta ako na may sasagot ng agapito flores.

isang pilipino si agapito flores na ipinanganak daw sa bulacan noong late 1800's. ayon sa mga text books ko noong elementary hindi daw binigyan ng pansin ni dating presidenteng manuel quezon ang imbensyon nitong si agapito kaya naman nagtungo na lang siya sa G.E. at doon ibinenta ang kanyang produkto na makakapagpayaman sana ng pilipinas.

sumasakit ang ulo ng department of education ngayon at kailangang gumastos ng malaking halaga dahil dapat nilang i-revise ang mga text books na pang elementary upang tanggalin ang nasusulat tungkol kay agapito flores. recently napagalaman na si agapito flores ay isang urban legend lamang. nabubuhay lang siya sa mga utak ng taong nauto ng mga text books at teachers at kailan man ay hindi nakatapak sa lupain ng bulacan.

kamakailan lang nagkaroon ng research sa tunay na pagkatao ni agapito flores at ito ang ilang mga bagay na natuklasan: (1) walang record ng agapito flores na ipinanganak sa bulacan. (2) walang matatanda sa bulacan na nakakakilala kay agapito sa personal. (3) hindi rin kilala ng 98 yr old filipina scientist, scholar, inventor at hall of famer ang nasabing personalidad. (4) walang record na nakipagkita ang dating pangulong quezon kay flores. (5) ayon sa general electric ang flourescent lamp ay isang group research and development project noon ng nasabing kumpanya.

in short, chismis lang si agapito flores at marami ang napaniwala.

pinoy

2005-11-28T10:21:00.000+08:00

click niyo ito (kantang "chandeliers" ng "the care") at makinig ng maigi. pwede ring makikanta kung alam ang lyrics. mas maganda kapag sinasabayan ng dance step. enjoy!

tribute (part 2)

2005-11-24T13:03:00.000+08:00

follow up sa unang post ko tungkol sa eraserheads tribute album. pananaw ko lang naman sa up coming event kung san maraming nag-react sa mga bandang kasama sa selection. naipost ko na rin ito sa yahoo groups ng imago ngayon dito ko naman sa blog ibabahagi.

heto ang naisulat ko...

sa ibang point of view, parang nakita ko na gusto gawin ng jam 88.3 is to blur out the lines that divide the opm industry. kung ganun nga, maganda ang mga intentions nila... pero ibang istorya naman yun. dapat ang focus ay ang pagbibigay karangalan sa eheads at nararapat na kabilang sa line up ay ang mga pinakamagagaling na mga musikero. i don't have anything against paolo santos, mymp, and southborder. aware ako sa mga accomplishments at contributions nila sa opm scene pero, oo nga, sana mga artists na mas accepted ng e-heads fans ang nakasama sa selection tutal para sa kanila rin naman ang album na ito.

lastly, sa mga against sa pagkakasama ng cueshe, yes, i agree with you. except for a one hit wonder and a lot of disasters, sila lang ang wala pang naitatalang malaking marka sa opm scene di katulad ng mga ibang kabilang sa vote-off list ng tribute album line up.

man of steel

2005-11-23T10:35:00.000+08:00

sa susunod na taon magkakaroon nanaman pala ng bagong superman movie at ang pamagat nito ay "superman returns".

nakakita ako sa sm kahapon ng poster na may logo ni superman kaya nang mag-internet agad akong nag-search sa yahoo ng "superman movie" at dun ko nga nakita ang latest updates sa pelikulang nabanggit. cast, teaser, news, etc.

idol ko si superman pero medyo nawala ang hilig ko sa kanya dahil sa smallville. sinubaybayan ko ang unang dalawang season nito pero medyo na-disappoint sa flow ng kwento nung nagtagal. ang dahilan na lang siguro kung bakit ko naililipat sa channel 23 ang tv tuwing smallville ay para makita lang muli si kristin kreuk.

ngayon, umaasa ako na magiging maganda ang pinaka-latest na superman movie. yung tipo sana ng pelikula na magbibigay ng hang-over sa utak buong araw matapos mapanood ito.

goof:

sa smallville takot na takot si clark na may makaalam na may super powers siya. mabilis siyang nakakatakbo upang itago ang kanyang mukha tuwing mabubuking siya sa kanyang sikreto. sa kanyang paglaki hindi na ganito ang sitwasyon. tatanggalin lang ang salamin, brush-up ng buhok, ibaba ang konting bangs at hindi na siya makikilala ng mga tao kabilang si lois lane na inakala kong kaya siyang kilalanin kahit nakatalikod.

madalas ay reklamo lang ang bukambibig...

2005-11-19T19:03:00.000+08:00

35 centavo gas hike:

consumer: ang taas na nga ng presyo ng gasulina ang laki pa ng idinagdag nila.

50 centavo price roll back:

consumer: dapat ibaba pa nila, yung singkwenta sentimos parang wala lang yun eh.

tribute

2005-11-14T10:24:00.000+08:00

Salamat sa proyekto na inorganize ng jam 88.3 dahil sa nobyembre 29 magsasama-sama ang mga pinaka sikat na banda ngayon sa up theater upang bigyang karangalan ang isang icon sa industriya ng musika. ang eraserheads, bow.

performers:

6 Cycle Mind
Barbie Almalbis
Cueshe
Francis M.
Imago
Isha
Kitchie Nadal
MYMP
Orange and Lemons
Paolo Santos
Radioactive Sago Project
Rico J. Puno
Southborder
Sponge Cola
Sugarfree

songs:

With a smile - Southborder
Ligaya - Kitchie Nadal
Overdrive - Barbie Almalbis
Huwag Mo Nang Itanong - MYMP
Magasin - Paolo Santos
Alkohol - Radioactive Sago Project (kanta nga talaga gagawin o tula. kahit ano, idol ko pa rin kayo at ang mtv ng astro. hehe)
Torpedo - Isha
Spoliarium - Imago
Hard To Believe - Cueshe (i find it hard to believe na kasama sila)
Maling Akala - Brownman Revival (ano pa nga ba ang kakantahin nila?)
Superproxy - Francis M
Alapaap - 6Cyclemind
Pare Ko - Sponge Cola
Ang Huling El Bimbo - Rico J. Puno
Tikman - Sugarfree
Huwag Kang Matakot - Orange & Lemons
Para Sa Masa - All Star Cast

*ok na sana lahat kaya lang medyo na-disappoint ako at isinama nila ang cueshe. sa mga hindi nakaka-alam ang cueshe ang pwedeng itapat kay william hung kung paninira lang ng kanta ng may kanta ang paguusapan. hehe.

*isa pa, sana naman for the last time magsama-sama ulit sina ely, buddy, raimund at marcus para tumugtog. kahit isang kanta lang.

tanggapan ng LTO

2005-11-11T16:13:00.000+08:00

after 3 years kumuha ako ng lisensya para makapag maneho ulit ng kotse. kapag ganon katagal na pala na hindi kumukuha lisensya hindi na renewal ang kailangan gawin kundi panibagong application. ibig sabihin mage-exam nanaman ako at dapat makapasa para makakuha ng panibagong non-professional driving license.

simple lang ang proseso. fill-up ng form, medical, picture taking, exam tapos may temporary license ka na, babalikan mo na lang after 3 months ang card.

pagkatapos fill-up-an ang mga forms dumeretso ako agad sa medical examination. ibang klase, malulupet pala ang mga medtechnologist sa LTO. kulay lang yata ng ihi ang titingnan alam nila agad kung bagsak o pasado ka sa medical. wala pang limang minuto nakakuha na ko agad ng medical certificate, ang galing. kapag medical para sa trabaho inaabot pa ko ng ilang araw para makuha ang resulta, bwiset.

pagkatapos ng medical binigyan ako agad ng maikling multiple choice na oral exam. ang tanong: "sir, mage-exam pa po ba kayo?" letter a.) "pag hindi, mag babayad po kayo ng 350.00php" letter b.) "pag oo, dumeretso na po kayo dun sa magbibigay ng exam". medyo nalito ako kase baliktad pala dito. naaalala ko sa entrance exam para sa college kinakailangan magbayad para makapag-exam. sabi ko dun ako sa libre, bahala na magaling naman ako tsumamba.

pagkatapos magpa-picture pinapasok ako sa isang kwarto para mag-exam. sa dinami-dami naming naga-apply ng ng lisensya dadalawa lang kaming kumuha ng written exam. dalawampung minuto ang kinailangan para hulaan ko ang mga sagot sa exam. pagkatapos nun ipinasa ko na ang papel para i-check nung mga tauhan ng LTO. konting oras lang ang nakalipas ipinakita na sa kin ang resulta ng exam, bagsak ako. 29/40, 31 ang passing. kulang ako ng dalawang tamang sagot para makapasa. bago lumabas ng kwarto kinuha sa kin nung opisyales ng LTO ang answer sheet at pinalitan ang nakasulat sa dalawang tanong na nasagot ko ng mali. iyon daw ang ilalagay ko sa final answer sheet. ang bait, sana yung teacher ko sa calculus ng college ganun din para di ako umulit ng subject na yon.

pagkatapos daanan ang lahat ng proseso binayaran ko na ang mga dapat bayaran, hinintay ang temporary license ko at umuwi na. pagkatapos ng 3 buwan babalikan ko na ang card ko at pwede na ko ulit magpahuli sa mga traffic enforcer.

*kung hindi pinapalusot ang mga bagsak sa written exam sa LTO siguro wala tayong problema sa traffic. mapanghusga na kung mapang husga pero natitiyak ko konti lang talaga ang papasa sa exam pag sinagot nila ito ng hindi nandaraya. ibig sabihin konti rin lang ang mga magmamaneho ng mga sasakyan sa lansangan.

japorms

2005-10-26T14:03:00.000+08:00

1998

Kuya Ace: ma, papahikaw ako. ano kaya itsura?
Ermats: mukha kang goons. magpahikaw ka kung graduate ka na. walang pipigil sa yo.

2002

Ermats: yan ba ginawa niyo, henna tattoo? yan ba uso? bat wala kang hikaw, mas bagay?
Kuya Ace: saka na lang pag graduate na ko.

2004

Ermats: yan ba usong buhok ngayon? pwede ba yan sa trabaho?
Kuya Ace: ha? pahikaw kaya ako?
Ermats: pahikaw ka pa eh tanda mo na. sana dati pa.

ano gusto ko palabasin?

wala.

langhap sarap

2005-10-25T10:30:00.000+08:00

sa jollibee langhap sarap sa sm city dasmarinas ako naghapunan kagabi. light meal lang kinain ko, regular yum, double cheese fries at large sprite ang in-order ko. napansin kong may pagbabago na ginawa ang jollibee sa serbisyo nila. instead of using the traditional styro containers, gumagamit na sila ng ceramic plates, stainless spoon and fork at reusable hard plastic cups. maganda nga naman itong naisip nila. napaka environment friendly na nga, nabawasan pa ang waste na nage-generate sa araw araw nila by almost 60% sa tingin ko napakalaking ginhawa nito, parang multiple birds hti with one stone (meron ba nun?), maganda na nga sa kalikasan, tipid pa sa basura, plus tipid na rin sa pagbili ng disposable containers and utensils. sana gawing batas ito para sa lahat ng fastfood chains dahil maganda naman ang dulot at sana ang hindi susunod paparusahan ng tusok ng stinger ni jollibee.

layaw

2005-10-24T10:18:00.000+08:00

halos magdadalawang linggo na ang nakalipas matapos ang 23rd birthday ko at hanggang ngayon ay wala pa akong regalo sa sarili ko kung hindi ang egg/shaker na ginagamit namin ng barkada tuwing nagtutugtugan kami. hindi pa ko kuntento sa egg/shaker na bago kaya may listahan pa ko ng mga gusto ko bilihin sa susunod na sweldo.

item: book
title: veronika decides to die
description: sinulat ni paulo coelho na lumikha rin ng paborito kong libro na "the alchemist". medyo na-curious ako sa librong ito dahil sa plot ng kwento. kung nagustuhan ko ng husto ang the alchemist kahit na medyo malabo ang paniniwala ko sa concept ng destiny pano pa kaya itong istorya ni veronika kung saan mas madaling maka-relate sa mundong iniikutan niya.
price: 375.00php

item: audio cd
title: urbandub - embrace
description: ito ang pangatlong album ng paborito kong banda na nagmula sa cebu. nabalitaan ko sa website (click here)na lalabas ang pinakabago nilang likha ngayong oktubre. lumabas na nga ang pinaka-unang single nila sa nu107 kamakialan lang, hindi ko pa naririnig pero sigurado ako maganda ito. nakailang balik na ako sa odessey at astroplus pero hindi pa rin available ang album nila. tiningnan ko rin sa ever reliable na tower records at music1 pero wala din. gusto ko sana before mag-november makabili na ko para naman may bago na kong papakinggan.
price: 250.00php to 280.00php

item: shorts
title: not applicable, brand siguro pwede pa..
description: mas ok siguro kung board shorts ang mabili ko. gusto ko ang ganitong uri ng shorts dahil manipis ito at presko. pwede rin gamitin pang swimming at bagay na bagay pang surfing kahit na hindi ako marunong at wala akong surf board. may nakursunadahan na ko sa mossimo at bench na nakita ko nung isang buwan pa, gagamitin ko sana sa swimming reunion ng klase namin nung college. ayoko sana bumili pero puro hibla na ng sinulid ang shorts kong binili kaya kelangan ko na tong palitan.
price: 475.php to 800.00 php

item: video cd
title: matrix, matrix reloaded, matrix revolutions, animatrix
description: vcd format ng mga ito ang bibilhin ko dahil nagloloko ang dvd function ng dvd player namin. isa pa sale kasi ang mga vcd sa astroplus kaya ang bawat isa sa kanila ay nasa bargain price lang. na-amaze ako sa concept ng pelikulang ito although medyo na disappoint ako sa final part ng trilogy. bibilhin ko ang lang ang final part dahil ayoko maging bungal ang collection ko at kung sakali baka sa 2nd time na mapanood ko magbago ang impression ko sa movie kagaya na lang ng nangyari sa 2nd time ko pinanood ang pelikulang korean na pinamagatang my sassy girl.
price: 99.00php each, mura kasi sale

all in all aabot ng 1851.00php ang gagastusin ko kung mabili ko lahat. grrrr ang laki nanaman ng gastos ko... bakit ba kung minsan hindi ko mapigilan?

ja-ja-ja-jamby

2005-10-19T10:22:00.000+08:00

inamin ni senadora jamby madrigal na body guard niya nga ang nakitang hawak na baril sa rally dispersal noong biyernes.

ang dipensa ni senadora sa news kagabi...

"madami na kong natatanggap na mga death threat.... GMA, wag mo naman siya (her bodyguard) apihin!!!....... kung may aapihin ka..... wag siya...... ako na lang!!..... may sakit pa siya sa bato....... nakakaawa naman kaya ako na lang apihin mo!!"

napakabait nga naman nitong si senadora pero... pero... pero ang LABO!!!

takam

2005-10-19T09:58:00.000+08:00

kung babae ako malamang pinaghinalaan akong nagbubuntis ako't naglilihi pano ba naman kasi kung anu-anong mga pagkain ang hinahanap-hanap ko. medyo naging gutumin na ko lately, simula yata nung nag weight gain ako nasanay na ang sikmura ko na maya't maya nilalagyan ng ng pagkain. kadalasan ng mga hinahanap-hanap kong mga pagkain ay yung mga dating common merienda na medyo mahirap na hagilapin ngayon. heto ang listahan.

taho - mainam na pang-almusal dahil mainit sa tiyan at may halong matamis na arnibal na sa palagay ko pwede panggalingan ng dagdag na enerhiya (glucose daw kase pampagana). kadalasan ko sila nakikita sa umaga pero hindi ko na nakukuhang huminto at bumili dahil kadalasang nagmamadali ako sa pagpasok sa opisina.

magnolia pinipig crunch - nung nasa elementary pa lang ako ito kadalasan ang ice cream na ibinibili sa kin ng nanay ko. on a stick na may coating na pinipig. mas mura kumpara sa drumstick pero ang sarap naman nito hindi matatawaran.

manggang hilaw (baguio style) - kung ang iniisip niyo ay yung kalahating mangga na nakatuhog sa barbicue stick at binubudburan ng bagoong, hindi iyon ang tinutukoy ko. masarap din yun pero iba ang sarap ng green mangoes na binebenta sa baguio. ang style nito ay hihiwain ng ala french fries ang mangga, ilalagay sa plastic, lalagyan ng sukang iloco at ng asin na may halong sili. pag titingnan parang manggang hilaw na nakababad sa maduming tubig pero once na masubukan mo mapapa "syet ang sarap!" ka sa sarap.

barbicued litid ng baka - hindi ko alam ang generic name nito sa mga nagbebenta ng isaw basta ang alam ko litid ng baka ito. medyo year 2002 pa nung huli akong nakatikim nito kaya naman parati ko siyang hinahanap. lasang siyang lechon baka na natutunaw sa laway mo kapag sinubo. the best itong isawsaw sa sukang may timpla (sili, sibuyas at bawang). 3.50php lang siya dati kaya ubod ng mura. apat na stick lang solb na para gawing ulam sa hapunan.

toasted pandesal w/ cheese - ito common pa rin yata para sa ibang mga bahay. toasted pandesal lang at cheesewhiz ang ingredients ng meriendang ito, kinakailangan lang i-toast muna para lalabas talaga ang lasa ng cheese. nung grade school may nagbebenta sa may bakery nito, 2.00php kada piraso. samahan mo na lang ng cheers o pop cola na 3.00php lang dati. o diba? san ka pa, limang piso lang may merienda ka na!

bulilit burger - inilabas ng burger machine noong highschool ako. murang mura, 5.00php lang. halos kalahati ang liit niya kumpara sa normal na burger kaya pag binibili kadalasang by bulk orders, 4 hanggang 5 na piraso kadalasan. ang nagpapasarap dito ay ang barbicue sauce na maanghang. kung tinatanong niyo kung bakit siya mura? well, alam ko kung bakit. kadalasang ginagamit sa mga burger na ganito ay ang karne ng baka na medyo mababa na ang kaledad, mga parteng hindi na mabebenta kung hindi pa gigilingin at syempre mura ang benta dito. hindi ko sinisiraan ang burger machine, pawang katotohanan lang ang sinasabi ko. fans pa rin naman ako ng burger machine, mamaya nga kakain ako dito eh. sama kayo?

hanggang dito na lang muna, nakakagutom eh. medyo matagal pa ang lunch break ko at ayaw kong patayin ang sarili ko sa takam. happy eating.

xxiii

2005-10-13T17:26:00.000+08:00

23rd birthday celebration ko nga pala nung sabado. konti lang ang inimbitahan ko na pumunta sa aking munting pizza party. mga former classmates ko lang nung highschool/college. hindi kami nag-inuman ng alak, PRAMIS!!!

gone

2005-10-13T17:25:00.000+08:00

medyo matagal din akong nawala, medyo may mga naisulat na ko na hindi ko na nai-post dito sa blog ko. isang sakuna kase ang nangyari, ang maliit na notebook ko na pinagsusulatan ng mga random thoughts na pumapasok ng biglaan sa utak ko ay nawala. hindi ko alam kung dinukot ba ito o nahulog. sana naman nahulog na lang at nalunod sa tubig. kung may nakabasa pa nito eh nakakahiya.

ping me!

2005-09-14T19:42:00.000+08:00

isang dating tauhan ng former pnp chief na si lacson ang nahuli sa states sa salang pang-eespiya. si michael ray aquino daw ang tumatanggap ng mahigit 100 classified/confidential information tungkol sa pilipinas mula sa isang phil-am na analyst ng FBI na si leandro aragoncillo. ang 37 items top secret. ibig sabihin bawal ipagkalat. ibinibigay daw ang mga imporasyong ito sa tatlong big boss ni aquino sa pilipinas.

dahil alam ni lacson sa kanya patungo ang mga bintang kaya inunahan niya na agad ang lahat at lininis ang kanyang pangalan. inamin niyang oo, isa siya sa mga tumatanggap ng impormasyon kay aquino pero ang mga ito daw ay mga newspaper clippings lamang at mga naibalita na sa pilipinas.

ibang klase rin naman ang pagkapraktikal nitong si senador, kelangan pa palang magpakahirap na kumuha ng impormasyon mula sa FBI gamit ang isang ilegal na paraan. hihingi lang siya ng impormasyon na hindi daw "top secret", nasa kabilang dulo pa ng mundo ang pinaghihingian niya. newspaper clippings lang yun! mga naibalita na rin daw dito sa bansa recently. ang tanong, bakit kelangan pang sa computer ng FBI kunin ang mga artikulong ito, diba napakadali namang mag-internet sa sm at dun magdownload ng mga articles, newspaper clippings, mp3 at porn materials?

eksepsyonal

2005-09-08T11:49:00.000+08:00

Sa Rally...

running priest: i-boycott ang petron dahil partly owned by the government! i-boycott ang tabloids at pahayagang pro-administration! i-boycott ang radyo ng bayan!! i-boycott ang channel 4!! and unfortunately, i-boycott si jolina magdangal dahil siya ang spokesperson ni pangulo sa mga kabataan.

journalist: ano masasabi niyo sa sinabi ni father?

raliyista: dapat lang na ganon! matagal na kaming galit sa administrasyon na yan!!!

journalist: eh pano yung kay jolina? sang-ayon ba kayo dun?

raliyista: ay, hindi. iba na yun. hindi naman pwedeng ganun.

isa pang raliyista: hindi, naman dapat ganon. idol namin tapos di namin papanoorin. di naman yata tama yung ganon.

*galing sa news na napanood ko kagabi sa gma7.

hindi kumpleto ang drinking sessions kapag hindi kinakanta ang "PARE KO"

2005-09-05T16:24:00.000+08:00

"hi, i'm punk zappa and my hobbies are listening to the radio, reading the song hits, and eating the bulate fishball"

kung alam mo yan malamang magkakasundo tayo pagdating sa music appetite lalong lalo na pagdating sa opm. galing yan sa album na "circus" ng bandang minahal ko noong dekada 90. sa biyernes bibili ako ng cd nila, miss ko na kase ang mga kanta ng eraserheads na matagal ko nang hindi naririnig kagaya ng kailan, minsan, wishing wells, with a smile, magasin, at iba pa.

malaki ang naging impluwensya sa kin ng bandang ito, lalong lalo na nung highschool pa ko. isa sila sa mga dahilan kung bakit ako nalulong sa paggigitara. naaalala ko na sinasabayan ng buong klase ang "paparap pap pap papap" ng kantang "alapaap" (wala pang ganyan sa commercial ng mcdo noon). at kahit na nakakaasiwa na sa mga katagang "solid!" at "forever!" matiyaga ko pa ring inaabangan ang mga awit nila sa radyo (sa LSFM at cool 106 kase kadalasan silang naririnig lalo na sa top10 countdown). magmula sa "ultraelectromagnetic pop" hanggang sa "aloha milkyway" sinubaybayan ko ang bawat kantang pinapasikat nila. ang dami nga naman, isang katutak. memorize ko halos lahat, fanatic eh. at para patunayan na nasa puso ko pa rin ang mga awit nila, heto ang isa sa mga paborito ko. memorize ko pa rin kahit matagal ko nang hindi naririnig.

MINSAN

minsan sa may kalayaan tayo'y nagkatagpuan
may mga sariling gimik at kaya-kanyang hangad sa buhay
sa ilalim ng iisang bubong
mga sekretong ibinubulong
kahit na anong mangyari
kahit na saan ka man patungo

ngunit ngayon kay bilis maglaho ng kahapon
sana'y huwag kalimutan ang ating mga pinagsamahan
at kung sakaling gipitin ay laging iisipin
na minsan tayo ay naging
tunay na magkaibigan

minsan ay parang wala nang bukas sa buhay natin
inuman sa magdamag na para bang tayo'y mauubusan
sa ilalim ng bilog na buwan
mga tiyan nati'y walang laman
ngunit kahit na walang pera
ang bawat gabi'y anong saya

ngunit ngayon kay bilis maglaho ng kahapon
sana'y huwag kalimutan ang ating mga pinagsamahan
at kung sakaling gipitin ay laging iisipin
na minsan tayo ay naging
tunay na magkaibigan

minsan ay hindi ko na alam ang nangyayari
kahit na anong gawin
lahat ng bagay ay merong hangganan
dahil ngayon tayo ay nilimot ng kahapon
di na mapipilitang buhayin ang ating pinagsamahan

ngunit kung sakaling mapadaan baka
ikaw ay aking tawagan
dahil minsan tayo ay naging
tunay na magkaibigan

ngayon, naandiyan ang bandang "the mongols" (banda ni ely buendia ngayon) at "cambio" (banda ngayon nila buddy at raimund, plus kris yung babaeng pumalit kay ely bilang bokalista dati), kapwa sila magagaling pero iba pa rin talaga ang orig na e-heads nung 90's... well, ganun nga lang talaga kapag sumikat. dalawa lang ang pwede mangyari, either ma-laos or mag-disband or both.

*kaya ako bibili ulit ng circus album dahil nasira na yung cassette tape ko nito. langya kase yung kaibigan kong nanghiram nito, binack-mask yung tape. ayun, kinain tuloy.

growing fat???

2005-08-28T14:49:00.001+08:00

abril ng taong kasalukuyan nung sinabi ko sa sarili ko na papagandahin ko ang aking katawan. 122 pounds lang ang timbang ko noon, 13 pounds na mas mababa sa 135 pounds na minimum normal weight para sa height ko na 5'11". ngayon, pagkalipas ng 4 na buwan, nasa 150 pounds na ang timbang ko. ibig sabihin 7 pounds ang itinataba ko kada buwan. sabi ng mga kakilala ko okey daw ang ganito, mas bagay sa kin na medyo may laman ang katawan. ang ikinakatakot ko lang ngayon ay baka hindi na tumigil ang pag-taas ng timbang ko. baka maging obese ako na kahit kelan hindi ko man lang naisip na mangyayari sa kin. kung hindi ako nagkakamali, 1 pound na lang nasa category na yata ako ng overweight, kahit kelan hindi ko naisip na posible pala mangyari sa kin ito.

mukhang kulang na ang 2km walk na ginagawa ko bilang aking daily exercise. kelangan ko na rin kaya mag-gym?

takot

2005-08-25T16:58:00.000+08:00

hindi ako natutuwa sa reality based tv game show na pinamagatang fear factor. napansin ko kase medyo nalilihis na ang theme ng show sa title nito. maliban sa fear of heights parang wala na silang challenges na may temang "face your own fear"?

ang pag-kain ba ng isang platong bulate na galing sa pwet ng whale nakakatakot? hindi! common sense, kaya ayaw kainin ng contestant yun dahil alam nya namang hindi pagkain, pero dahil sa pera e sige. eh yung pabilisan sa pagswimming sa kanal nakakatakot ba? hindi rin! kung wasto ang iyong pagiisip hindi ka talaga magsi-swimming dito, walang tanong tanong. pero kung dahil sa pera, sige swimming agad. sa tingin ko ang gusto palabasin ng fear factor ay "ang tao gagawa ng katangahan sa ngalan lamang ng pera".

ang alam ko wala namang "fear of eating caterpillars or raw pork isaw", "fear of swimming in dirty water inside a large sewer pipe", o kaya "fear of riding a bicycle on a 6 inch wide by 10 feet long plank located 10 storeys above the ground".

ayus-ayusin sana nila yung mga pinapalabas nila sa tv. yung medyo related sa title ng show. hindi naman mahirap gumawa ng challenges. eto lang mga halimbawa. ang may hydrophobia magsi-swimming. ang may claustrophobia ililigaw sa loob ng catacombs. ang may gymnophobia papanoorin ng bold. ang may hemophobia papanoorin ng madugong operasyon sa ospital. at dun sa mga takot naman mamatay, hehe, bahala na kayo magisip kung anong challenge pwde sa kanila.

mas tama yata kapag ang pinapagawa nilang mga challenges ay mga normal na gawain sa araw araw na pamumuhay na ikinatatakot ng iba pero kayang kaya naman gawin ng iba ng walang pagaalinlangan. hindi yung parang ganito: pabilisan uminom ng isang basong plema habang tumutulay sa ga-tingting na patpat na may mga demonyong may hawak na tinidor na nagaabang sa ilalim.

everybody has his 15 minutes of fame

2005-08-23T19:02:00.000+08:00

masarap sa opisina namin dahil ubod ng luwag pagdating sa dress code. mainam ito para sa kin dahil convenient talaga. unang una, hindi kasi ako marunong magsintas ng kurbata. pangalawa, pwede kong nang pagsalit-salitin ang batman at spiderman costume ko. pagdating naman sa pangaraw-araw na footwear, sandals w/ white socks ang lagi kong suot.

kahapon, misteryosong nabutas ang medyas ko ng hindi napapansin. kasing laki ng hinlalaki ko sa paa ang butas. nadiskubre ko na lang ito nung huhubarin ko na sa bahay. yun siguro ang dahilan kung bakit naging instant celebrity ako habang namamasyal sa sm. lahat ng kasalubong ko nakangiti.

friendster fave

2005-08-17T16:41:00.000+08:00

may napansin lang ako sa ibang accounts na nakikita ko sa friendster. kadalasan kong nakikita na ang nilalagay nilang favorite book ay "the vinci code", naisip ko tuloy kung pirated version lang ba yung "da vinci code"?

paranormal

2005-08-17T15:39:00.000+08:00

may isang pangyayari dati sa buhay ko. taon na ang nakalipas pero ngayon naalala ko ulit, kagabi lang.

1st year college, taong 1999. nagpunta kami ng mga kaklase ko sa harrison plaza matapos ang isang school concert na ginawa sa ccp. niyaya ko ang isa kong kaklaseng na kapwa kapos palad na maglakad-lakad sa paligid dahil pareho kaming walang pangkain sa chowking. habang naglalakad isang matandang babae ang tumawid sa harapan namin, mga 75-80 yrs old siguro siya. kapansin pansin siya dahil puting puti at nakalugay ang buhok niyang hanggang bewang ang haba, naka pedicure at manicure ng kulay maroon at naka bestida. pagkalampas ng matanda nagpatuloy kami sa paglalakad at pagkukwentuhan. di nagtagal napagdesisyunan namin ng aking kaibigan na tumingin ng mga cellphone sa isang bahagi ng gusali. habang tumitingin ng cellphone napansin kong nandun din ang matandang babae na nakita namin ilang minuto lang ang nakalipas. hindi ko ito sinabi sa aking kaibigan. nagpatuloy na lang ako sa pagwi-window shop. pagkatapos mangarap ng n3210 iniwan na namin ng kaklase ko ang cell area at muling pinasyalan ang iba't ibang bahagi ng gusali. medyo naging weird ang mga sumunod na pangyayari. sa paglalakad napansin kong maya't maya namin nakakasalubong o nakikita ko ang matanda, wala siyang kasama at parati siyang nakangiti. aaminin ko medyo kinilabutan talaga ako nun pero pinili ko munang manahimik. hindi nagtagal di ko na natiis kaya tinanong ko na ang kaklase ko. "pilo, may napapansin ka ba?". ang sagot niya "meron tsong, tara balik na tayo sa kanila. bilisan natin". nagmadali kaming bumalik sa chowking.

kagabi, may napanaghinipan akong kakilala. ang ganda ganda niya, ang cute cute. kulay maroon ang manicure at pedicure, at suot ang bestida na katulad nung sa matanda. ano kaya ibig sabihin ng panaghinip ko?

panata

2005-08-17T09:19:00.000+08:00

posture: gumawa ng letter "L" sa pamamagitan ng hinlalaki at hintuturo, ilapat sa baba at ngumiti na parang nagpapa-cute habang binibigkas ang...

"panata ng pogi bow. kaming mga konyong kalbo ay nanunumpang bakuran ang mga magagandang babae at ilayo sila sa mga hindi namin ka-uri. bibihagin namin sila sa pamamagitan ng aming bad boy attitude, porma, pera at pagpapa-cute. ang sino mang humadlang sa min na hindi namin ka-uri ay ituturing na jologs at ipapatapon sa probinsya. sisikapin namin maging isang tunay na pogi sa porma, sa salita, at sa gawa."

uniform: oakley shades, hikaw, pabango, oversized shirt or jersey, oversized jeans/shorts, manyakis, e-english english, angas, pearly white rubbershoes, yosi, mamahaling cellphone, "mababang grades" (mas okey kung bagsak talaga o dropped ang subjects), cash at higit sa lahat lowered na kotse na dumadagundong ang hiphop sounds.

required haircut: kalbo. maganda rin kung may bigote at balbas, mas pogi.

timbre

2005-08-15T10:01:00.000+08:00

kahapon sa van unti-unti na kong nakakatulog nang bigla akong naalimpungatan, nag-ring ng napakalakas yung cellphone nung isang pasahero sa likod na may ring tone na "because of you" non-polyphonic version. halos magiba yung kalawanging van na sinasakyan namin sa sobrang lakas ng tunog.

hindi ko maintindihan kung bakit yung ibang tao kinakailangan pang i-full volume ang kanilang mga cellphones. meron pang mga hindi nakukuntento jan, naandyan pa yung ibang with matching pasigaw conversation.

libang

2005-08-09T14:11:00.000+08:00

dahil tag-ulan, nabawasan ng husto ang aking outdoor activities. hindi na ko nakakapaglaro ng basketball dahil tuwing umuulan nagkakaroon ng swimming pool sa gitna ng basketball court ng subdivision namin, hindi pa naman ako marunong lumangoy. matagal ko na ring binabalak na mag-jogging ng at least 10 kilometers tuwing sabado pero hanggang ngayon balak pa rin iyon. laging hindi natutuloy, pang artista kase ang schedule ko. laging puno. tuwing gabi na lang ang free time ko.

wala na kong ibang libangan ngayon kaya balik na muna siguro ako sa pagtugtog. binuhay ko ulit ang gitara ko, bumili ng capo at pick para gamitin sa pagtugtog. nung isang linggo bumili rin pala ako ng kahon/ cajon/ beat box/ percussion box para pang drums, problema ko na lang ngayon kung sino ang tutugtog nito kapag nag-gigitara ako. buti sana kung maracas/ egg/ shaker ang binili ko, kahit lola ko pwedeng maki-jam sa kin sa pag-tugtog ng mr clay. medyo nagpa-praktis na rin ako sa pag-kanta. kung dati sa cr lang ako nagko-concert, ngayon may mga gig na ko sa iba't ibang kwarto ng karaoke hub sa sm dasmarinas paminsan minsan. bawal nga lang ang audience.

halos kumpleto na rin pala ang mga mga basic instruments ko para sa isang acoustic na banda kaya kung may mga gusto maki jam, tara...

kuya eys-ters forgotten dictionary

2005-07-15T20:22:00.000+08:00

pendong - sinasabi tuwing may kalbong makikita, kadalasang sinasamahan ng simpleng kutos at thumbs up sign.

ST queen - tawag sa mga sexy stars nung early 90's.

bomba - kategorya ng pelikula kung san pinagbibidahan ng mga ST queen. pwedeng mapanood sa...

betamax - pinakasikat na entertainment system na kinakabit sa tv. hindi napipirata ang mga kopya nito, ewan ko kung baket.

laserdisc - katulad ng betamax pero di ganun ka sikat. ninuno ng vcd at dvd. kasing laki ng plaka ang mga disc para dito. hindi rin napipirata.

cloning - pagnanakaw ng load ng cellphone.

robinson's galleria - tirahan ng taong ahas.

hule ka!

2005-07-08T10:42:00.000+08:00

"The man who can smile when things go wrong has thought of someone else he can blame it on."

-Robert Bloch

Panuto: BAWAL BASAHIN!!!!

2005-07-07T19:07:00.000+08:00

sa school-- merong short quiz, surprise quiz, long quiz, monthly exam, periodical exam, seatwork, home work, quarterly exam, diagnostic test, written exam, practical exam, prelims, midterms, finals, oral exam, I.Q. exam, drug test, entrance exam at takehome exam. kung minsan, bago pa makapag-enroll kelangan pa ng physical exam.

kagaya ng mga nabanggit sa ibabaw, ang entry na ito ay isang uri ng exam at kung umabot dito ang iyong pagbabasa ibig sabihin bagsak ka na dahil hindi ka marunong sumunod sa panuto.

kung naging teacher mo yung matandang dalaga dun sa school ko dati, naliligo ka na ng laway ngayon habang sinisigawan ng "I SAID FOLLOW THE DIRECTIONS CAREFULLY!!!".

ang mga tao hindi marunong sumunod, simpleng instructions parang hindi pa maintindihan. kelangan pang labagin muna ito at tingnan kung ano ang mangyayari. kung makalusot, makalamang, mapadali o makadaya edi olrayt!! saka na lang susundan ang panuto kapag nalaman na bale wala ang paglabag dito o kung may masama nang nangyari/mangyayari kapag di ito sinunod.

haysusmaryosep! tao nga naman talaga.

konting disiplina lang.

TWIST:

kung palitan ko kaya ang title ng "MAY TAE SA SALWAL ANG NAGBABASA NITO". maging cause kaya ito para sumunod ang mga tao. may kutob ako na oo.

palitan na rin natin ang mga ipinapaskil sa mga sa paligid:

-"MUKHANG UNGGOY ANG NAGTATAPON NG BASURA"
-"SUPOT ANG UMIIHI SA PADER"
-"MAY ANGHIT ANG HINDI MARUNONG PUMILA"
-"MGA NATATAE LANG ANG PWEDE LUMAMPAS NG 60KPH"
-"KUPAL AKO KAYA TUMATAWID AKO"

watchatink?!? magkaron kaya ng konting disiplina?

inspired by bob ong's "mga kwentong barbero"

kay susan tayo!!!!

2005-07-02T18:12:00.000+08:00

pweh!!!

kung nanonood ka ng tv nitong huling mga araw malamang nakita mo rin ang napanood ko. si susan roces at ang katagang "hindiiiiiiii ko tinatanggap ang iyong soriiiiiiiiiiiiiiiiiiiiiii!!!!!!!". ang galing, nanginginig pa yung mukha niya habang nanggagalaiti. ewan ko, heroic act daw yun sabi ng mga kapartido niya. natawa lang ako. naisip ko tuloy, may mga natawa rin kaya nung sumigaw sina andres bonifacio ng "mabuhaaaay ang pilipinoooooooo!!!!"? malay ko ba. hehe.

although lagi akong updated tungkol sa kung anu anong mga bagay bagay na nangyayari sa ating bansa, bihira kong talakayin ang mga usapang tungkol sa pulitika. si manuel l. quezon pa yata ang presidente nung huli akong nagsalita tungkol sa ganitong mga bagay.

ngayon, magsasalita na ulit ako.

bwisit na bwisit ako kapag nakakakita ako ng mga bobong celebrity na gustong magkaroon ng pwesto sa gobyerno. ang titigas ng mga mukha nila, sarap hampasin ng yellow pages. at ang masaklap dun nananalo pa sila. punyemas!!! at dun sa mga sumusuporta sa kanila magisip-isip naman sana kayo ng mabuti. parang sumakay kayo ng eroplano na ang piloto nito hindi marunong magpalipad ng eroplano. tuwang-tuwa pa kayo!!

naaalala ko bago eleksyon. sa tv, tinanong ang ilang mga tao kung sino ang iboboto nila at kung bakit. may mga narinig akong kagaguhan. ganito. "si [pangalan ng artista] ang iboboto namin sa pagka-presidente. sawa na kami dun mga marunong, wala rin naman kaseng nangyayari. baka yung walang alam may magawa". putcha, anong klaseng pangangatwiran yun??? applicable rin kaya yun sa asian games? padala kaya tayo ng isang basketball team na hindi man lang marunong sumalo ng bola ang mga miyembro. makapag gold medal kaya ang pilipinas???

hay nako, pilipinas talaga. sa kasalukuyan parang hopeless ang lagay ng gobyerno sa ating bansa.

sana balang araw magbago ang ikot ng mundo. sana balang araw maintindihan ng mga tao na hindi trabaho ng presidente ang taga-abot ng pagkain/relief goods. sana balang araw maintindihan ng tao na hindi pangunahing tungkulin ng gobyerno ang mamigay ng libreng pagkain, pera, bahay at lupa ng direkta. at sana balang araw 'wag na sanang balakin ni judy ann santos na tumakbo para sa pagka-pangulo.

taong paniki

2005-06-21T21:29:00.000+08:00

bibihira lang talaga ako makapanood ng sine, mga once in a blue moon lang. kadalasan hinihintay ko na lang na lumabas ang original vcd ng inaabangan kong pelikula o kaya pag meron nang magandang kopya ng pirated dvd kay jamal (generic name para sa mga nagbebenta ng dibidi sa bangketa).

dahil father's day nung linggo, nakahanap ako ng dahilan para gumastos ng 70 pesos at manood sa sinehan (nakalimutan ko pala isama yung tatay ko upang manood).

batman begins ang napili kong panoorin. medyo nahuli ako ng konti sa last full show, mga 5 mins siguro yun. medyo natagalan kase yung fries ng in-order kong burger mcdo meal, GO BIG TIME. binubungkal pa lang yata nila yung lupa at inaani ang mga patatas nung umo-order ako.

kulang ng 5 mins ang napanood ko kaya pagtiyagaan niyo na lang ang aking movie summary. ayoko nang gumastos ulit ng 70 pesoseses para lang mapanood ang umpisa ng batman at ang mga previews bago magsimula ang pelikula.

REACTION PAPER:

nagsimula ang batman begins nung bata pa si bruce wayne.

mahilig si bruce maglaro sa kanilang bakuran na kasing laki yata ng hacienda luisita. isang araw habang tumatakbo takbo sa bakuran nila aksidenteng nahulog siya sa isang well. kata-katakang walang tubig sa loob nito kaya't sa pag-bagsak ni bruce hindi niya napigilang sumigaw ng "areku po!". nabulabog ang mga bats na naninirahan sa loob at nanugod. nakagat siya ng isang radioactive bat at pagkatapos nun nagdesisyon na siyang maging si batman.

isang araw pinatay ang mga magulang niya, namulat na si bruce sa bulag na katotohanan. gusto niyang gumanti. mapait ang buhay. dagdag pa rito ang panget na palakad ng gobyerno sa gotham city katulad sa pilipinas. maraming magnanakaw at maraming corrupt na public officials katulad sa pilipinas ulit.

dahil concerned citizen si bruce, inanyayahan niya ang akbayan, pmap, gabriela, bayan muna at kmu upang magwelga ngunit busy ang mga aktibistang grupong ito sa pagprotesta kay gma tungkol sa wire tapped conversations.

wala na siyang nagawa.

nagpunta na lang si bruce sa japan at nagaral ng karate, jujitsu, taekwondo, judo, c++, culinary arts, at ballet dancing sa loob ng pitong taon.

bumalik siya sa gotham city upang ipaghiganti ang mga magulang niya. ngunit bago pa niya mabanatan ang pumatay sa magulang niya naunahan na siya ng ibang tao. ito marahil ang dahilan kung bakit ugali ni batman na hindi patayin ang mga masasamang taong nahuhuli niya, binibigyan niya ng pagkakataaon ang mga napagsamantalahan ng mga ito upang makaganti.

dumating ang panahon na may isang grupo na gustong sumalakay sa gotham city. nagpapakalat sila ng gas na nakakaulol at kung hindi pa rin ito gumana ay namimigay sila ng chickenjoy meal sa kung sino mang sasanib sa kanilang samahan. hindi ito nagustuhan ni batman kaya't to the rescue siya agad gamit ang kanyang bat tank.

umabot sa tren ang habulan ni batman at ng bigboss, dito din kasi sana papakalatin ang sangkatutak na nakaka-ulol na gas.

dahil nasa tren inasahan ko na masisira ang preno nito. ganun nga ang nangyari. kahit na todo bilis na ang takbo ng tren nagsuntukan pa rin ang bigboss at si batman hanggang sa matalo ang isa sa kanila. siyempre panalo ang bida. nakatakas si batman. sumemplang ang tren at namatay ang kalaban.

the end.

bonus: may isang quotable quote na binanggit sa pelikula. favorite ko na nga ito ngayon. ang makakapagsabi nito plus 10 sa recitation.

1

2005-06-21T13:49:00.000+08:00

kung bakit masayang masaya ang mga tatay noong linggo (june 19, 2005), hindi father's day ang dahilan. nagdiwang ang mga tatay dahil birthday ng blog ko. hehe. joke lang.

anyways..

"HAPPY 1ST BIRTHDAY SA BLOG KO!"

*applause*

*torotot*

*clap clap*

science: chaos theory

2005-06-03T23:07:00.000+08:00

chaos theory -- pinapaliwanag nito na ang bawat bagay ay sanhi ng pinagsama samang maliliit na bagay. physics ang basehan netong theory na ito. kung may isinuksok, may madudukot. kung may tiyaga, may nilaga. if there's an action then there's a reaction. reaction plus reaction equals bigger reaction. ang bawat action ay madudugtungan ng isa pang reaction at masasamahan pa ng iba pang maliliit na bagay. lahat na lang dugtong dugtong na chain reaction na walang katapusan hanggang sa makagawa ng napakalaking bagay na pag sinamahan mo ulit ng ibang maliliit na bagay ay gagawa pa ulit ng mas malaki pang bagay and so on...

parang ganito:

nanganganib na ang bansang japan dahil malapit nang gumuho ang 50% land area nito. konting konting konting konting disturbance na lang sa lupa at hindi na makakayanan ni mother nature ibalanse ito. panay yabag na ng mga paa ng iba't ibang tao, robot, at centipedes nang... tantadadan. may tatlong langgam ang naghabulan. dahil sa padyak ng kanilang paa bumigay ang balanse ng lupa, gumalaw ang mga tectonic plates, naglindol at namatay ang kalahati ng populasyon ng japan. sana kung hindi naghabulan yung tatlong langgam makakayanan pa ni mother nature balansehin ang lupa kahit na magtatatalon pa ang ibang hayop, tao, robot at centepedes ng paulit ulit.

ganyan ang paliwanag sa chaos theory, sobrang kapilosopohan pero may basehan. sa sobrang pagdedetalya pwede natin himayin at malaman ang sanhi ng bawat bagay. ang eksaktong bilang ng hakbang sa paglalakad bago mapagod ang isang tao. o kung ilang pirasong butil ng bigas ang kelangan kainin bago masabing busog na ako. o kung talagang 10 tons lang ba ang capacity ng isang bridge na kapag may 10 tons na truck na nakaparada dito at pinatungan pa natin ng isang hibla ng buhok babagsak na ito.

eto na lang isipin niyo, sa chaos theory pwede palang makasanhi ng isang bagyo ang utot ng kuneho.

watchathink?

how to make my day wonderful!

2005-05-28T19:13:00.000+08:00

may kwento ako. galing pa ito ng sm dasmarinas kaya makinig kayo ng maigi.

three weeks ago pinangako ng aking kaklase na ibalik ang mga bagay na hiniram niya sa kin. dahil masyadong interesante itago na lang natin siya sa pangalang ~~arvin~~ hmmmm ~~mr guevarra~~ errrrr "kaibigang magaling tumupad sa usapan". ilang linggo ang lumipas at hindi pa niya nababalik ang mga bagay na dapat ibalik. napagkasunduan namin na kanina na lang magkita.

heto ang mga paguusap naming naganap this weekend.

FRIDAY

7:00 pm

kaibigang magaling tumupad sa usapan: basta after lunch kita tayo sure na nasa dasma ako. balik ko na lahat.
ako: ok.

SATURDAY

hindi na ko pumasok kinabukasan kase wala nang ibang pagkakataon para magkita ulit kami. tanghali nasa sm na ko.

1:00pm

ako: tol san ka na?
kaibigang magaling tumupad sa usapan: pare di ko pa nabuburn lahat eh, mamayang mga 5pm nandyan na ko.
ako: ok sige, hintayin kita dito.

5:00pm

ako: pre san ka na?
kaibigang magaling tumupad sa usapan: ligo lang ako tapos punta na ko jan.
ako: sige.

7:00pm

ako: pre san ka na? dito ako friomixx.
kaibigang magaling tumupad sa usapan: teka may bisita pa dito sa min.
ako: sana sinabi mo na lang para umuwi na ko kanina pa.

7:30pm

ako: san ka na?
kaibigang magaling tumupad sa usapan: pasensya na pre. bukas ko na lang.

assignment class, what is the moral lesson of the story? use 1 half yellow pad

[currently listening to "what a wonderful world" by louis armstrong]

murphy's law

2005-05-26T20:26:00.000+08:00

murphy's law-- mahirap ipaliwanag ang theory/law na ito, ang pinakamaikling eksplanasyon nito ay ang pagiging palpak ng desisyong praktikal. hindi ko kilala si murphy at hindi ko alam kung may siyentipikong paliwanag sa batas na ito pero base sa experience at mga nabasang artikulo tungkol dito, ito na ang pinaka walang kwenta at pinaka nakakainsultong law/theory.

bakit? unawain sa mga ibibigay kong sample situations sa baba.

kunwari bagong taon, nagsindi ng kwitis ang kapitbahay mo sa dulo ng street. lumipad ang kwitis, bumagsak sa mukha mo tapos sumabog. katanggap tanggap dahil may siyentipikong eksplanasyon tungkol dito. simpleng paliwanag lang ang kailangan, projectile motion (isama mo pa ang big bang theory kung kinakailangan. hehe). malinaw na malinaw at scientifically provern pa. so, sa susunod pwede mo nang maiwasan ang kwitis. either lumipat ka ng pwesto ng kinatatayuan or pakiusapan mo ang kapitbahay na nagsisindi na itapat na lang sa asong mabangis ang papasabuging kwitis.

eh ang murphy's law, may paliwanag ba? eto halimbawa ng isang sitwasyon.

o-order ka sa mcdo. may dalawang pila, isang mahaba at isang mas mahaba. siyempre pipila ka dun sa mas maikli. akala mo si lumen ka, wais, pero ang kadalasang namang nangyayari ay mauunahan ka pa nung nasa kabilang pila. magsisisi ka, mawawalan ng ganang kumain ng hamburger at sasabihin sa sarili na "sana sa kabila na lang ako pumila". eksplanasyon? wala! biktima ka ng murphy's law.

eto pa isa.

nakasakay ka sa jeep, traffic. may apo ka na sa tuhod pero hindi pa rin umaandar ang jeep na sinasakyan. nagpasya ka na lakarin na lang ang pupuntahan tutal isang daang metro lang naman ang layo nito. nakakailang dipa ka pa lang tapost aandar na ang traffic. lalampasan ka ng jeep na kanina mo lang sinasakyan, masaklap pa dun ngingitian ka pa ng mga pasaherong nakasakay pa rin dun sa jeep habang ikaw bilad na bilad sa araw. tutungo ka na lang at maglalakad dahil alam mo namang katawa tawa ang napala mo sa desisyong maglakad na lang. biktima ka nanaman ng murphy's law.

maiiwasan ba ang mga bagay na pakana ng murphy's law? hindi yata. sa mcdo, kapag pipila. kalokohan namang dun ka sa mahaba lilinya. magmumukhang katawatawa ka lang nun. masaklap yung sa jeep, dalawa ang probability na maging biktima ka ng murphy's law. kapag nagpasya kang maghintay, aabutin ka pa ng tatlong linggo bago makaandar ng isang talampakan ang jeep. kapag bumaba ka naman upang maglakad, maya maya ay uusukan at iiwanan ka ng jeep na kanina lang sinasakyan.

linsyak na murphy's law yan. pahamak. kung pwede lang baguhin ang konstitusyon kung saan nakasulat ang laws of science, nature, at man, unang una kong ipapa-abolish ang murphy's law na yan. di hamak naman na giginhawa ng lubusan ang buhay kapag wala na ito.

MURPHY'S LAW EXTREME:

papunta ka ng makati, nasa baclaran ka. postura ang iyong suot dahil first day of work. ayaw mong ma late. nagdadalawang isip ka kung sasakay ka sa bus na dadaan ng edsa o sa bus na dadaan ng buendia. sa bus via buendia ka sumakay. pagkaakyat ng bus sa flyover huminto ito. kitang kita sa bintana ang kaluwagan ng edsa. *strike 1*. pagkababa ng bus sa flyover nakaramdam ka ng demonyo sa tiyan. lbm ang pangalan nito. bumaba ka sa pinakamalapit na public cr. dalawa ang pilahan. parehong anim ang nakapila sa bawat linya. pumila ka sa kaliwa. ang ratio ng accomodation ng kaliwang cubicle sa kanan ay 1:3, wala ka nang magawa kung hindi mamilipit at sumayaw-sayaw. *strike 2*. lumipat ka sa mabilis na pila. tama ang iyong desisyon dahil wala pang 3 minuto ikaw na ang next. umupo ka na at nagbisnes sa paglabas ng sama ng loob (ng tiyan). hugas. punas. hugas. punas. pagka pindot mo ng flush walang nang yari, sira ito. *strike 3*

attention: all jeepney drivers

2005-05-25T12:46:00.000+08:00

sa mga mamang tsuper o jeepney drivers. sana naman wag na muna kayong mag-taas ng singil sa pamasahe, ang mahal mahal kase. maawa naman kayo sa mga tulad namin at kelangan pa namin ng pambili ng load. makuntento na sana kayo na hindi kami nagrereklamo kapag ginagawa niyong sampuan ang upuan na pang pituhan lang naman talaga. kung gusto niyong makatipid eh wag niyo na lang abutan yung mga barker na sisigaw sigaw ng signboard niyo dahil hindi naman talaga namin sila pinapakinggan. katulad ng mga pulis, nangongotong rin lamang sila.

buhay estudyante: revisited

2005-05-23T23:15:00.000+08:00

dahil ang tema ng aking blog ngayon ay "back to school", ibabagay natin ang unang official entry dito. game.

pagkatapos ng graduation alam ko agad na may mga bagay na habang buhay ko na hahanap-hanapin. mga bagay at pangyayari na nagaganap lamang tuwing nasa school at estudyante ka pa.

heto ang mga bagay na nakaka-miss:

-miss ko na isuot ang aking school uniform.
-miss ko na ang allowance na binibigay sa kin.
-miss ko na ang mananghalian sa carinderia/fastfood na sawang sawa na ko kainan dati.
-miss ko na magdala ng mabigat na bag tuwing may klase sa PE.
-miss ko na mag-vandal sa mga armchair at pader.
-miss ko na ang makipag-patintero sa guard tuwing nakalimutan ang id.
-miss ko na ang mag-cram ng assignments. (nagmamadali sa pangongopya ng sagot ng kaklaseng matalino)
-miss ko na daanan ang ruta na araw-araw kong tinatahak noon sa loob ng apat na taon.
-miss ko na ang makipagsapalaran sa pila tuwing enrollment o kuhanan ng exam permit, clearance at class cards.
-miss ko na ang aking mga classmates.
-miss ko na mag-cut ng klase.
-miss ko na ang manghingi ng yellow pad sa kaklase.
-miss ko na ang manghiram ng ballpen sa aking kaklase.
-miss ko na ang makipagdebate tungkol sa mga bagay na hindi naman pala talaga mahalaga.
-miss ko na magbigay ng code names sa mga teachers at students.
-miss ko na ang mga taunang recollection /retreat.
-miss ko na tumambay sa mga lugar na alam kong teritoryo na ng mga bagong estudyante ngayon.
-miss ko na ang mangamote sa exam.
-miss ko na mangopya ng sagot sa katabi na nangangamote rin pala.
-miss ko na ang pagpupuyat tuwing may case study o kaya thesis.
-miss ko na ang mag-sight seeing ng magagandang dilag. (hehe. hanggang simoy lang ang kaya namin gawin.)
-miss ko na ang mga bakasyon katulad ng sembreak at summer vacation.
-miss ko na ang umupo sa klase upang makinig o makipag kwentuhan sa katabi.
-miss ko na ang mapahiya sa klase.
-miss ko na ang mga corny jokes ng matatandang professors.
-miss ko na ang pagiging kabado tuwing reporting.
-miss ko na ang gumawa ng excuses.
-miss ko na ang iba't ibang species ng professor.

hindi ako makapaniwala, namimiss ko ang pagaaral.

"i never let schooling interfere with my education"

hindi ko na matandaan kung sino ang sumulat niyan pero tama nga naman siya, hindi lamang edukasyon ang napupulot sa paaralan kung di pati na rin ang mga experiences na makakapag-hubog sa personalidad ng isang tao.

-wakas

*salamat sa correction at mali nga ang nailagay ko nung una.

version 3.0

2005-05-21T20:13:00.000+08:00

heto ang pangatlong version ng aking blog. kung gustong balikan ang nakaraang version i-click lamang ito.